Tàm nhai 7, nhai 8 pah nam, geh ală tŭ tơngai mìu jŏ jòng sùm mờr 20 ngai, bulah ờ gơtìp ngơr bam mơya gùng lòt bè trăm tàm dà lơh gơbàn jơnau pơhìn ờ diơng, ờ kơ̆ tai. Tàm kàl mìu nhàc nam do, gah gùng lòt càr Dăk Nông neh rơcang lài ală broă rơndap lơh rơcang lài pleh mờ bơta trồ tiah lơh aniai mờ jơnau đơs 4 tơn tàm dùl anih, mờ kung pơgồp bal mờ gơnoar atbồ ală tiah tơngkah lài, kờp sền broă cò tơnring, bồr ù jat kềng ală gơl gùng, ngan là ală rbòng tuh tơlik dà nàng rơcang lài pleh mờ jơnau pơhìn gơtìp ngơr bam, tơrlah ù. Ồng Hà Sỹ Sơn, Phó Kwang atbồ Sở Gùng lòt mờ Pơndiang phan càr Dăk Nông pà git, tŭ do, ală mpồl lơh broă pal lòt sền sùm ală gơl gùng, di tŭ git gŏ, bơsong ală bơta ờ niam gơlik geh nàng gàr gùng lòt geh lơngăp lơngai sùm.