Đơs tàm pơrjum, Thủ tướng Cíñ phủ ồng Phạm Minh Chính sồr ală cau ala măt tơrgùm jơh bồ tơngoh ngăc ngar, pơn jăt tai nùs nhơm tam gơl pa, sền jơnau yal, jơnau cih tă pơgồp, đơs tơrgùm tàm ală broă bè lơh pràn rlau tai broă lơh jăt jơnau sồr “tàm pơgồp bal kơ̆ kơl jăp đah lơh adăt boh lam mờ lam lơh jăt adăt boh lam, gàr adăt boh lam geh lơh jăt ring bal, kràñ cê, ờ tam gơl, di tŭ, gơtùi, mờ geh cồng nha” jăt Sră nggal Pơrjum dờng Đảng dơ̆ XIII mờ Jơnau lơh nền tàm pơrjum sồ 27 bè pơn jăt tai bơ̆t bơtàu mờ lơh sir Dà lơgar gơnoar adăt boh lam xã hội củ nghĩa Việt Nam.

Sồr geh ală broă lơh nàng kờñ tă bơsong kal ke, kòl yan, bơsong ală bơta gam gơkòl, ờ hềt dipal tàm tŭ lam lơh jăt ală Adăt, Jơnau lơh nền tàm pơrjum, bè: Broă lam lơh jăt gam lơyài; Jơnau dồs gơkòl, lơyài ai lơh jăt sră nggal cih nền cê; Broă lơh sền swì wơl dồ bă nền nòn sră nggal gơrềng tus adăt boh lam ờ hềt geh sền gròi dipal.