Tŭ do, ồs đèng Dăk Lăk gam ătbồ rlau 130 rbô 200 nơm jrong đèng geh kap yal tơnggĭt jơnau ngui bal. Kông ty neh bơcri priă lơh pa, lơh niam wơl tơngguh bơta jơnhoa bơh jrong đèng dê mờ ătbồ lơh geh tơl jơnau sồr măy mŏk, lơngăp lơngai gùng che đèng. Bulah bè hơ̆, broă crăp ală kap yal tơnggĭt jơnau tàm jrong đèng dồ bă khăt gơboh neh geh sùm jơnau pơhìn gơlik geh rềs àr. Ală nam do, ồs đèng càr Dăk Lăk neh sùm lơh broă lơh bơka wơl căp ơn niam kap yal tơnggĭt jơnau hòi bal jrong đèng.

Broă rơndăp lơh nam 2024, kông ty pơn jăt tai bơsong kờp jơh bơta jòng rlau 46 kơi sồ gùng che yal tơnggĭt jơnau hoài bal jrong đèng tàm tiah tờm ƀòn dờng Buôn Ma Thuột, ƀòn drà dờng Buôn Hồ mờ ală kơnhoàl: Krông Păch, Buôn Đôn, Krông Năng, Cư Mgar mờ Ea Kar. Mùl màl là bơsong sang jơh kap tăc gơdùh ờ ngui, căp ơn niam ală che kap jơngkah, dăng wơl bơta jòng ală dang che kap rơlùh lơyah.