Củ tịc lơgar Việt Nam ồng Tô Lâm đơs nền, EU là cau lơh broă bal kwơmàng ngan bơh lơgar Việt Nam dê; niam nùs sền gŏ gĭt gơ̆p đah lơgar Việt Nam mờ EU tơngai do bơtàu tơnguh niam ngan, tơnggŏ bơh broă 2 gah sơlơ tàm pơgơl tai mpồl kwang bàng lòt còp bal mờ gơ̆p, tìp măt kwang bàng kâp dờng; lam lơh jăt gơtùi uă jơnau ring bal, gùng dà lơh broă bal, tơm bơh bơr.

Củ tịc lơgar sồr 2 gah pơn jăt tai lơh pràn tàm pơgơl mpồl kwang bàng lòt còp bal mờ gơ̆p, ngan là kwang bàng kâp dờng; lam lơh jăt geh cồng nha Jơnau hơ nền Tam klăc lơh broă bal mờ Lơh broă bal tơl làm đah Việt Nam mờ EU, Jơnau hơ nền EVFTA kung bè ală jơnau ring bal, gùng dà lơh broă bal ndai. Củ tịc lơgar kung sồr EU hòi jà ală lơgar gam wơl tàm mpồl gờñ sền swì ring bal Jơnau hơ nền Sền gàr bơcri priă đah Việt Nam mờ EU; pơn jăt tai ai sùm priă ODA Việt Nam in; sơlơ tơngguh tai lơh broă bal bè lơngăp lơngai internet, lơngăp lơngai dà lềng, rơcăng lài drơng pleh mờ trồ tiah lơh aniai.