Tàm ngai do (31/7), Thủ tướng lơh broă mờ ală tập đoàn, mpồl lơh sa kă bro dờng tàm gah lơh sơnơm tơmba, nhơm zờu bơh lơgar Ấn Độ dê; tus bal mờ đơs tàm Cribơyai mpồl lơh sa kă bro Việt Nam - Ấn Độ, tus bal dơ̆ sơn đờm ngui Hìu lơh broă Anih lơh broă ala mat lơgar Việt Nam tàm lơgar Ấn Độ mờ lùp còp, tơm boh bơr mờ kwang bàng, cau lơh broă Anih lơh broă ala mat, mpồl bơtiàn cau Việt Nam gam ơm kis tàm lơgar do.

Ngai hìng (01/8), Thủ tướng lơgar Ấn Độ ồng Narendra Modi rơp đơng lam dơ̆ wă rò mờ pơrjum cribơyai mờ Thủ tướng ồng Phạm Minh Chính mờ Thủ tướng ồng Phạm Minh Chính rơp geh ală dơ̆ tìp mat mờ kwang đơng lam bồ kâp dờng bơh lơgar Ấn Độ dê. Dơ̆ lòt còp do bơh Thủ tướng Cíñ phủ dê geh kuơ dờng ngan nàng kờñ đơs nền broă lơh ờ tam gơl bơh lơgar Việt Nam dê sền dờng màng bơta git gơp lơh bơyô ờs mờng mờ Lơh broă bal jŏ jòng tơl làm mờ Ấn Độ, pơgồp bơnah sơlơ tơrbŏ kơ̆ bơta git gơp đah Kwang đơng lam bồ 2 lơgar, ngan là đah 2 Thủ tướng.