Tơnơ̆ tŭ sền sơ wì, cribơyai, Mpồl duh broă làng bol càr Dăk Lăk neh ring bal Jơnau lơh nền tàm pơrjum tơmut bal 2 xã, 2 sơnah ƀòn mờ tam gơl bă ù geh is, khà kờp làng bol gơwèt mờ 2 xã.

Ngan là, tàm kơnhoàl Krông Bông rơ̆p lơh jat broă tơmut bal xã Hòa Tân tàm xã Hòa Thành. Tơnơ̆ tŭ tơmut bal ai mat là xã Hòa Thành. Tàm ƀòn drà dờng xã Buôn Hồ, dùl bơnah xã Ea Blang rơ̆p tơmut bal tàm xã Ea Drông. Bơnah gam wơl rơ̆p tơmut bal tàm  xã Ea Siên. Tàm ƀòn dờng Buôn Ma Thuột rơ̆p tơmut bal sơnah ƀòn Thắng Lợi mờ sơnah ƀòn Thành Công tơlik mat sơnah ƀòn Thành Công pa. Tơmut sơnah ƀòn Thống Nhất mờ sơnah ƀòn Tân Tiến gơ gơs sơnah ƀòn Tân Tiến pa. Bal mờ hơ̆, càr rơ̆p tam gơl 1 bơnah bă ù geh is, khà kờp làng bol xã Ia Rvê, kơnhoàl Ea Súp tơmut tàm xã Ia Lốp, kơnhoàl Ea Súp.