VOV4.K’Ho- Mpồl Pơlam tàp- Ntrờn làm bă tiah, Gah đơng lam Mpồl ling sền gàr tiah nhàr lơgar càr Dăk Lăk bơh sơnrờp là Đại đội 9 Kwang àng Làng bol Phàu crong bơh càr dê, geh tơlik mat ngai 30/7/1977. Kơnòl broă tờm bơh mpồl ling dê là pơlam tàp ling pa, pơlam tàp ling rcang lài lòt ling mờ kơ động rcang lài tam lơh. Sùm tàm gùng lòt mờr 50 nam, mpồl ling sùm lơh sir jak ngan kơnòl broă, pơlam tàp ling pa lơh geh bơta pràn jak, jàu ai Mpồl ling sền gàr tiah nhàr lơgar ală càr: Dăk Lăk, Gia Lai, Kon Tum, Dăk Nông, Khánh Hòa mờ Quảng Ngãi in.

VOV4.K’Ho- Drim ngai 07/3 (jat jơ tiah do), Thủ tướng Australia ồng Anthony Albanese mờ Pơ ùr neh đơng lam dơ̆ wă rò Thủ tướng Cíñ phủ ồng Phạm Minh Chính mờ Pơ ùr bal mờ mpồl kwang bàng kâp dờng lơgar Việt Nam còp ngan ngồn lơgar Australia bơh ngai 07 tus ngai 09/3.

VOV4.K'Ho - Di tơngkah ngai dunia cau ùr (08/3), drim ngai 06/3, Phó Củ tịc lơgar mò Võ Thị Ánh Xuân geh dơ̆ tìp mat ală ùr Đại sứ, kwang atbồ anih ala mat cribơyai broă mờ lơgar ndai kâp 3, Kwang atbồ ală Mpồl lơh broă dunia tàm lơgar Việt Nam mờ còp ală tiah tềl kah yau tàm ƀòn Đồng Kỵ, Từ Sơn, Bắc Ninh.

VOV4.K’Ho- Ngai 06/3, Ủy ƀan Ñân zân kơnhoàl Lăk, càr Dăk Lăk bơyai lơh dơ̆ yal Kơrnoat bơh Thủ tướng Cíñ phủ, dờp xã Nam Ka là xã tiah lơngăp lơngai bơh Dà lơgar dê tàm rài tam lơh dră wơl mờ lơgar Tây mờ Mỹ.

VOV4.K’Ho– Tềng đăp bơta pơhìn gơlik geh trồ prang soăt dà, ờ tơl dà tuh ai tờm chi kàl mrềt prang in tàm ală nhai lồi kàl prang, gah lơh sa suơn sre càr Kon Tum tŭ do sơlơ tơnguh atbồ dà tàm ală tơnau bơtơ̆t rƀòng dà mờ tam pà, ngui dà di pal, tềm pềr nàng rcang sơndră trồ prang soăt dà.

VOV4.K’Ho- Drim ngai 06/03, tàm Hìu đơs crih dơng Hà Nội, geh bơyai lơh dơ̆ jàu pà sră jờng rơ Nghệ sĩ Ñân zân, Nghệ sĩ Ưu tú dơ̆ 10.

VOV4.K’Ho– Drim ngai 06/03, Củ tịc Ủy ƀan Mặt trận Dà lơgar Việt Nam Đỗ Văn Chiến bal mờ mpồl lơh broă neh geh dơ̆ lơh broă mờ Duh broă sùm Tỉñ ủy càr Điện Biên bè broă rơndăp lơh pơgồp bal tơn jơh lơh jat Rơndăp broă hòi jà tă pơgồp bal dong kờl lơh hìu Tam klăc dờng ai hìu bơnhă rƀah in wèt tus Tơngkah kir sơnrai 70 nam Tam lơh phan lin Điện Biên Phủ; Broă rơndăp lơh bơyai lơh broă lơh jờng rơ, ưn ngài ală Cau ling khin cha jak chài, cau ling chơ̆t màng tus bal tơn tàm broă lơh Điện Biên Phủ tàm càr Điện Biên dê.

VOV4.K’Ho- Drim òr (06/03), jăt jơ tàm tiah do, Thủ tướng Phạm Minh Chính tus Pơrjum Kấp dờng Kwơ màng di tơnkah 50 nam ngai git gơ̆p đah mpồl ASEAN mờ lơgar Australia geh bơyai lơh tàm ƀòn dờng Melbourne, lơgar Australia.

VOV4.K'Ho- Càr Kon Tum geh rlau 292 kơi sồ gùng nhàr lơgar rềp mờ lơgar Lào, lơgar Campuchia. Mờ nùs nhơm “Pôs đồng là hìu, tiah nhàr dà lơgar là ƀòn tờm, làng bol ală jơi bơtiàn là oh mi pròc mhàm tờm”, mpồl ling sền gàr tiah nhàr dà lơgar càr Kon Tum neh geh uă broă lơh ngan ngồn, sơlơ tơrbŏ kơ̆ nùs nhơm đềt mềr đah ling klàng làng bol tiah nhàr dà lơgar. Bơh bơta lòt bal, dong kờl bơh kwang bàng, cau ling sền gàr tiah nhàr dà lơgar dê, rài kis làng bol tiah nhàr dà lơgar dê tàm càr Kon Tum gam ngai sơlơ tam gơl niam, mpồl rơcang gàr tàm làng bol sơlơ kơ̆ kơljap rlau tai.

VOV4.K'Ho - Di dơ̆ tus bal Pơrjum kwang bàng kâp dờng kuơmàng tơngkah kir sơnrai 50 nam git gơp đah mpồl ASEAN mờ lơgar Australia, còp ngan ngồn lơgar Australia, tàm ƀòn dờng Melbourne, Thủ tướng Cíñ phủ Phạm Minh Chính neh tus bal dơ̆ tơngkah 30 nam gùng par tơn đah Việt Nam – Australia mờ tơngai Vietnam Airlines pơndiang 6 tơlak dơ̆ nac tàm gùng par Việt Nam – Australia.