Đơs tàm pơrjum, Duh broă sùm Ƀan Ƀí thư ồng Lương Cường đơs loh, mìng gam rlau 1 nam tai là tơn jơh tơngai lơh broă dơ̆ XIII bơh Đảng dê, den tàng, Ƀan Nội cíñ dà lơgar pal lơh ngan, pơn đơl pràn, jơh nùs, kràñ cê, geh cồng nha rlau tai nàng pơgồp bơnah lam lơh geh cồng nha ală kơnòl broă bè nội cíñ, rơcang lài kơryan sa kuề sa kuà, bơta ờ niam mờ tam gơl wơl sền gàr adat boh lam jat Nghị quyết pơrjum dờng dơ̆ XIII bơh Đảng dê. Pal pơn jat tai lơh niam broă lơh tă pơgồp jơnau đơs rơcang lài kơryan sa kuề sa kuà, bơta ờ niam, gơ jat bal mờ broă lơh jat niam Jơnau sồr sồ 144 bơh Ƀộ Cíñ trị dê bè bơta niam nùs nhơm bơh kwang bàng, đảng viên dê tàm tŭ tơngai pa. Bal mờ hơ̆, pơn jat tai tă pơgồp jơnau đơs bơsong jơh ală broă lơh tìs, broă sa kuề sa kuà, broă ờ niam gơ rềng tus kwang bàng, đảng viên, drơng broă lơh cau drơng broă Pơrjum dờng Đảng ală kâp.