Tổng Ƀí thư đơs nền, tơngai do, Đảng ủy Kwang àng Dà lơgar neh đòm jăt bơhiàn tam klăc bal ring bal, rơcăng lài, bơceh lơh, lơh jăt nền kơnòl broă cíñ trị mờ bơta geh ngan, đơng lam, sồr mpồl Kwang àng Làng bol lơh gơs geh cồng nha ală bơta broă lơh.

Tổng Ƀí thư ồng Nguyễn Phú Trọng đơs sùm bàr pe kơnòl broă kờñ pal tơrgùm lơh jăt tàm 6 nhai lồi nam, hơ̆ là: pơn jăt tai lơh niam broă lơh gĭt bơta gơlik geh, tă pơgồp jơnau đơs kwơmàng mờ Đảng, Dà lơgar; bañ lời gơtìp rơmơ̆p ndơl, nisơna; Tơngguh tai ală broă lơh sền gàr lơngăp lơngai dà lơgar, bañ lời ală dơ̆ broă roh lơngăp lơngai, rơndăp tăp sèng tàm ƀòn lơgar gơ tam gơl gơgơs ală dơ̆ broă kal ke bè lơngăp lơngai dà lơgar tàm jơh ală broă digơlan gơlik geh; Pal kràñ cê jơh nùs, dồ ròt bal rlau tai tàm broă lơh jăt ală broă lơh crăp rơcăng tam dră mờ cau lơh tìs, sền gàr niam rơndăp tăp sèng, lơngăp lơngai jơh gùt mpồl bơtiàn tài rài kis ring lơngai, chờ hờp chờ hờn bơh làng bol dê.