VOV4.K’Ho- Pơn jăt tai broă lơh tàm càr Gia Lai, drim òr (05/09), tàm ƀòn dờng Pleiku, Củ tịc lơgar ồng Võ Văn Thưởng tus còp mờ lơh broă tàm Ƀiñ đoàn 15 – do là mpồl ling geh mờr 40 nam lơh jăt kơnòl broă bơ̆t bơtàu ală Tiah lơh sa sền gàr dà lơgar tàm ù tiah kwơ màng Tây Nguyên mờ đah jum càr Quảng Bình.

VOV4.K'Ho - Là dùl tàm ală anih tiơng pơn rơ bơh gơl gùng Trường Sơn ndu gơn rơh dê, Anih ơm tiă gan dà dờng Srêpôk gơ wèt ù tiah xã tiah nhàr dà lơgar Kông Na, kơnhoàl Buôn Đôn, càr Dăk Lăk kung gam prap wơl tềl ală nam nhai tam lơh khin cha jak chài bơh ling klàng mờ làng bol he dê. Mờ broă geh dờp là tiah tềl kah yau dà lơgar kuơmàng, anih ơm tiă gan dà dờng Srêpôk là rùp pơrya bơh bơta pràn, nùs nhơm khin cha jak chài bơh jơi bơtiàn dê tàm rài tam lơh dră wơl bol sò tơm Mỹ tơngklàs dà lơgar.

VOV4.K’Ho- Di dơ̆ tus bal Pơrjum kwang bàng kấp dờng Asean dơ̆ 43 tàm Jakarta, Thủ tướng Cíñ phủ ồng Phạm Minh Chính neh geh dơ̆ tìp mat mờ Kwang atbồ lơgar Indonesia ồng Joko Widodo.

VOV4.K’Ho- Drim ngai 5/09, jơh gùt tiah tàm lơgar, kơnòm bơsram hô hơng tus hìu bơsram tus bal dơ̆ sơnđờm mut nam bơsram pa. Rlau 22 tơlak nă kơnòm bơsram tàm gùt lơgar neh ngan ngồn mut tàm nam bơsram pa 2023-2024.

VOV4.K’Ho- Ală kra ƀòn, cau geh bơngă pin dờn (tàm hơ̆ geh uă đảng viên) tàm càr Gia Lai sùm là krơh àng, lam lài ai bơta tam gơl bồ tơngoh kơlôi sơnơng, broă lơh tàm tiah làng bol jơi bơtiàn dùl êt nă cau in. Khi geh sền là ală “tờm chi dờng” lơh mƀur rơhiơm mrềt niam lơngăp lơngai ai ƀòn lơgar in. Uă nam do, ală cau geh bơngă pin dờn, cau kra ƀòn là mpồl cau lơh kòn gùng ai ală gùng dà jơnau sồr bơh Đảng dê, gùng dà broă lơh mờ adat boh lam bơh Dà lơgar dê tus mờ làng bol.

VOV4.K’Ho- Nam bơsram pa neh sơnđờm tus. Bal mờ kơnòm bơsram tàm jơh gùt lơgar, ală kơnòm bơsram jơi bơtiàn dùl êt nă cau tàm kơnhoàl tiah sar lơgar ngài Dam Rong, càr Lâm Đồng àñ tai kong tàp lòt bơsram bal mờ bơta sền gròi wil tơl bơh hìu bơsram mờ mpồl bơtiàn dê.

VOV4.K’Ho- Lài mờ Ngai Sơnđờm mŭt nam bơsram pa, Mpồl lơh broă bơh Ƀộ Giáo zụk mờ Đào tạo dê bơh Ƀộ trưởng Ƀộ Giáo zụk mờ Đào tạo ồng Nguyễn Kim Sơn lam bồ neh lòt sền broă lơh rơcăng ai nam bơsram pa mờ còp pà phan ai kơnòm bơsram tiah sar lơgar ngài càr Dăk Nông dê in.

VOV4.K'Ho- Ngai òr (04/9), Duh broă sùm Ƀan Ƀí thư, Kwang atbồ Mpồl rơndap broă Dà lơgar mò Trương Thị Mai neh geh dơ̆ lơh broă mờ Ƀan Cấp hàñ Đảng ƀộ càr Yên Bái.

VOV4.K'Ho- Ràng tơlik rùp bơh cau sềr rùp Xu-Man, do là cau sềr rùp kòn cau Bahnar tàm Ƀảo tàng càr Gia Lai gam gơ hòi gơ jà bơta sền gròi bơh gal ngan nac lòt nhơl dê.

VOV4.K’Ho- Mang òr (04/09), di tàm dơ̆ tus Pơrjum kấp dờng mpồl ASEAN dơ̆ 43 mờ ală broă lơh gơrềng bal tàm càr lơgar Jakarta, lơgar Indonesia, Thủ tướng ồng Phạm Minh Chính neh wă kwang đơng lam ală tập đoàn dờng lơgar Indonesia dê.