Wă Kwang atbồ Anih lơh broă ala mat lơgar Colombia ồng Miguel Angel Rodriguez Melo, Củ tịc lơgar đơs nền, Việt Nam jờng rơ gơnoar broă bơh Colombia dê tàm tiah Mỹ Latiñ mờ pà git, Việt Nam kờñ ngan broă cribơyai ring lơngai tàm lơgar Colombia, kơp kờñ bơtàu tơnguh bơta git gơp tơl làm, jơh bal bè cíñ trị, cribơyai broă mờ lơgar ndai, lơh sa – kă bro mờ lơh broă bal bơto bơsram, tìp mat lơh kwèng làng bol, tài bơta kuơ bơh làng bol 2 lơgar dê, tă pơgồp tàm ring lơngai, kơ̆ kơljap, bơtàu tơnguh tàm jơh bal 2 tiah.

Wă Kwang atbồ Anih lơh broă ala mat lơgar Panama ồng Eligio Alberto Salas, Củ tịc lơgar ồng Tô Lâm jờng rơ ală tă pơgồp bơh ồng Eligio Alberto Salas dê tàm broă sơlơ tơnguh bơta git gơp 2 lơgar tàm tơngai lơh broă ồng dê bơh broă cribơyai mpồl kwang bàng ală kâp, kă bro, bơyai lơh ală broă lơh yal tơnggit niam chài. Củ tịc lơgar kơp kờñ bơtàu tơnguh rlau tai mờ tơnguh cồng nha bơta git gơp lơh broă bal uă gah đah 2 lơgar, jơh bal bè cíñ trị - cribơyai broă mờ lơgar ndai, lơh sa, kă bro, gùng dà lềng, priă jền ngân hàng, tìp mat lơh kwèng làng bol, tài bơta kuơ bơh làng bol 2 lơgar dê, tă pơgồp tàm ring lơngai, kơ̆ kơljap mờ bơtàu tơnguh tàm jơh 2 tiah.