Jat jơnau yal, bơh nam 2020 tus tŭ do, càr Dăk Lăk neh ai lơh jat 16 sră nggal geh gơrềng tus adat boh lam gơwèt gah Nội vụ. Tàm dơ̆ lơh broă, càr Dăk Lăk kung đơs tus bàr pe kal ke, kòl yan, bơta gơ kòl tàm tŭ lam lơh jat broă lơh lòt sền, bơsong sră nggal geh gơrềng tus adat boh lam gơwèt gah Nội vụ; mơkung dan mờ Ƀộ Nội vụ sền sơ wì, kờp sền nàng tam pà cau lơh broă di pal mờ ală bơta bơh tơl tiah dê; bơto pơlam jơnau sồr geh ngan bè broă tơrmù cau lơh broă gah bơto bơtê, pơgồp bơnah gàr niam broă lơh jat di mờ gùng dà broă lơh Jơnau lơh nền tàm pơrjum dê, mơkung gàr niam khà cau pơgru bơto bơtê tàm ơdŭ jat jơnau sồr...

Ồng Triệu Văn Cường, Thứ trưởng Ƀộ Nội vụ, jờng rơ uă ngan ală cồng nha neh lơh geh bơh càr dê tàm tơngai pa do, mờ sồr càr pal bơtơl mờ mblàng bàr pe broă gam ờ hềt tơl neh geh sơñio tàm dơ̆ lơh broă.