Rơndăp broă lơh gùng ntoăt mhar Gia Nghĩa – Chơn Thành lơh geh bơta gơn kơnờm bơtàu tơnguh lơh sa – mpồl bơtiàn tiah Tây Nguyên
Thứ bảy, 07:24, 29/06/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (28/06), Quốk hội neh ring bal Jơnau lơh nền tàm pơrjum kĭ gùng dà broă bơcri priă lơh rơndăp broă lơh gùng ntoăt mhar Đah tô – Đah jum hờ đah măt tơngai Mŭt gơl lòt gan ƀòn dờng Gia Nghĩa, càr Dăk Nông – Chơ Thành, càr Bình Phước mờ geh uă kwang bàng ring bal.
Gùng do geh lơh jòng 128,8 kơi sồ, priă bơcri rơlao 25 rơbô 500 tơmàn đong, gùng rơndeh ntoăt mhar Gia Nghĩa – Chơn Thành geh mŭt lơh tàm nam 2024, kờp dŭ geh lơh gơs tàm nam 2027 geh bơsong bơta kòl bè phan bơna gùng lòt, ai geh bơta niam bơtàu tơnguh pa, bơta pràn lơh pràn bơtàu tơnguh lơh sa mpồl bơtiàn, gàr niam dà lơgar, bơta lơngăp lơngai tiah Tây Nguyên mờ Đah jum măt tơngai lik dà lơgar.
Ồng Ngô Thanh Danh, Ƀí thư Tỉñ ủy, Kwang lam bồ mpồl Kwang bàng ala măt Quốk hội càr Dăk Nông đơs nền là do là gùng kwơ màng bè jơh ală bơta tàm lơh sa, mpồl bơtiàn, sền gàr dà lơgar, bơta lơngăp lơngai mờ ală bơta tàm rài kis mpồl bơtiàn ờ mìng ai càr Dăk Nông mờ jơh tiah Tây Nguyên in.
Viết bình luận