Dơ̆ pơrlòng nam do, càr Dăk Nông neh 21 anih pơrlòng, 344 jơdŭ pơrlòng. Tàm ƀùi drim ngai òr (27/06), geh 4 nă kơnòm pơrlòng geh dong kờl tus anih pơrlòng tài gơtìp rềs àr tàm gùng lòt mờ kòp tê jê să.

Tàm hơ̆ geh 3 nă kơnòm pơrlòng gơtìp rềs àr tàm gùng lòt lài mờ tŭ pơrlòng ndrờm tàm kơnhoàl Dăk Mil. Ală kơnòm pơrlòng do geh mpồl kwang àng mă tus tàm jơdŭ pơrlòng. Dùl nă kơnòm pơrlòng tàm anih pơrlòng Hìu bơsram kấp 3 Hùng Vương, xã Quảng Phú, kơnhoàl Krông Nô gơtìp kòp rang lài mờ ngai pơrlòng geh ai pơrlòng is tàm jơdŭ pơrlòng. Drim òr (27/06), 7 rơbô 577 nă kơnòm pơrlòng tàm càr Dăk Nông tus pơrlòng môn Ngữ văn. Môn pơrlòng sơnrờp ngan neh bơyai lơh niam mờ nền nòn. Tơngu me jơnau pơrlòng môn Ngữ văn geh uă kơnòm pơrlòng đơs là di mờ jơnau neh geh bơsram, gơtùi lơh geh điểm uă.