Kon Tum lam lơh broă lơh rơcăng pơrjum dờng Đảng ƀộ ală kâp
Thứ sáu, 11:05, 28/06/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Ngai 27/06, Tỉñ ủy càr Kon Tum bơyai lơh Pơrjum dơ̆ 16 Mpồl Duh broă Đảng ƀộ càr khoă XVI. Pơrjum neh cribơyai broă lơh rơcăng, bơyai lơh Pơrjum dờng Đảng ƀộ ală kâp mờ Pơrjum dờng cau ala măt Đảng ƀộ càr dơ̆ XVII, tơngai lơh broă bơh nam 2025- 2030.
Jăt mờ hơ̆, gơ wèt mờ Pơrjum dờng cau ala măt Đảng ƀộ càr dơ̆ XVII, Mpồl Lơh kơnòl broă sùm Tỉñ ủy càr Kon Tum jàu ală Mpồl lơh broă rơndăp lơh loh làng; Pơrjum dờng Đảng ƀộ kâp kơnhoàl mờ ndrờm bal jàu ală Huyện ủy kơnhoàl, Thàñ ủy ƀòn dờng, Đảng ủy gơ wèt Tỉñ ủy đơng lam, sồr lơh pơrjum dờng kâp càr mờ kâp hơđơm jăt di jơnau sồr tàm Jơnau sồr sồ 35 Ƀộ Cíñ trị dê.
Tỉñ ủy càr Kon Tum rwah Đảng ƀộ kơnhoàl Sa Thầy bơyai lơh pơrjum dờng lơh tơrlòng lài tàm bồ qúy II nam 2025, tơnơ̆ hơ̆ bơyai lơh tàm uă tiah mờ tơngai lơh sir tàm lồi nhai 08 nam 2025. Gơ wèt mờ kâp hơđơm, Tỉñ ủy càr Kon Tum ring bal khà là 14 mpồl đảng kâp hơđơm bơyai lơh pơrjum dờng lơh tơrlòng lài.
Viết bình luận