Tàm dơ̆ wă, Thủ tướng ồng Phạm Minh Chính jờng rơ mpồl cau ala mat Cíñ phủ lơgar Lào lòt còp, lơh broă tàm lơgar Việt Nam mờ pin dờn dơ̆ lòt còp, lơh broă rơp lơh geh cồng nha niam bơnĕ, pơn jat tai pơgồp bơnah kuơmàng tàm broă ngai sơlơ tơnguh rlau tai mờ lơh kơ̆ kơljap bơta git gơp lơh bơ yô dờng màng, bơta tam klac bal kuơmàng mờ lơh broă bal tơl làm đah Việt Nam mờ Lào; mờ kung sồr Ƀộ Cribơyai broă mờ lơgar ndai 2 lơgar pơn jat tai pơgồp bal jơh nùs rơcang lài niam ngan rlau jơh drơng broă cribơyai mpồl kwang bàng kâp dờng tàm tơngai tus.

Phó Thủ tướng, Ƀộ trưởng Ƀộ Cribơyai broă mờ lơgar ndai lơgar Lào đơs nền, Đảng, Dà lơgar mờ làng bol lơgar Lào rơp pơn jat tai bal mờ Đảng, Dà lơgar mờ làng bol Việt Nam bơt bơtàu mờ sền gàr bơta git gơp lơh bơ yô dờng màng, tam klac bal kuơmàng mờ lơh broă bal tơl làm đah Việt Nam mờ Lào.  Lài hơ̆, Phó Thủ tướng Cíñ phủ ồng Trần Lưu Quang neh pơrjum bơyai mờ Phó Thủ tướng Cíñ phủ, Bộ trưởng Ƀộ trưởng Ƀộ Cribơyai broă mờ lơgar ndai lơgar Lào bal mờ mpồl kwang bàng ală Ƀộ, gah broă lơh bơh Cíñ phủ lơgar Lào dê.