Ngai 05/7, Mpồl duh broă Đảng Ƀộ càr Gia Lai bơyai lơh pơrjum dơ̆ 16 (pờ ơnàng). Jơnau yal tàm pơrjum ai gŏ, khà ai priă bơcri dà lơgar tàm càr geh dồ êt, mìng rơp geh 22,4% mờ kung gam gơtìp uă kal ke. Nam do, càr Gia Lai geh jàu rlau 4 rbô 300 tơmàn đông priă bơcri dà lơgar mờ khà priă ngan ngồn jàu neh mờr 3 tơmàn 800 tơlak đông. Bulah bè hơ̆, khà ai priă bơcri bơh càr dê mìng rơp geh 22,4%. Mìng is 3 broă lơh jơnau kờñ dà lơgar bè bơt bơtàu Ƀòn lơgar pa, tơrmù rƀah mờ bơtàu tơnguh lơh sa mpồl bơtìan tiah jơi bơtìan dồ êt nă cau geh bơh 15 tus 23%.

Jat ală cau ala mat tus bal pơrjum đơs, rơndap ù tiah ngui ù tàm càr ờ hềt geh tam gơl, là jơnau lơh gơbàn tus bơta lơyài ai priă bơcri. Tŭ do, ală rơndap broă lơh kuơmàng bơh càr dê bè Rơndap broă lơh Gùng kềng lơh sa tiah đah mat tơngai lik, ală rơndap broă lơh tơnau bơ tơt rbòng dà, rơndap làng bol ơm kis tiah jơi bơtìan dồ êt nă cau ndrờm lơyài tài jơnau do. Bơdìh hơ̆ tai, priă ai bơh ngui ù geh dồ êt pơndrờm mờ broă rơndap lơh kung là jơnau tờm ngan sơl. Uă broă lơh ngui priă bơcri do geh lam lơh lơh geh khà broă, halà neh lơh gơs mơya ờ geh priă nàng tơm.