Jơh gùt càr Dăk Lăk neh tơlik mat rlau 1 rơbô mpồl măi mok sồ mpồl bơtiàn tàm ală thôn, ƀòn, sơnah ƀòn mờ rlau 7 rơbô 200 nă cau. Tàm 25 broă jàu uă ngan bè tam gơl sồ, geh 16 broă jàu lơh geh lơh sir broă jàu lài mờ broă rơndăp lơh. Pal đơs ngan là, broă bơtàu tơnguh lơh sa sồ mờ mpồl bơtiàn sồ geh càr Dăk Lăk lam lơh geh cồng nha. Tus tŭ do, jơh gùt càr geh rlau 1 rơbô 700 phan bơna tăc tàm drà kă bro phan điện tử, geh mờr 43 rơbô tiah lơh broă tàm drà kă bro phan điện tử, ơm dơ̆ 5 jơh gùt lơgar dê.

Bơdìh mờ ală cồng nha niam ngan, broă lơh tam gơl sồ bơh càr Dăk Lăk dê kung gam geh bàr pe bơta ờ hềt pràn bè bơtàu tơnguh phan bơt bơtàu sồ tàm tiah sar lơgar ngài gam uă kal ke; phan bơna, phan bơt bơtàu drơng broă ngui tam gơl sồ tàm bàr pe sở, gah lơh broă, kấp kơnhoàl, kấp xã ờ niam, ờ hềt lơh dồ ròt bal.