Tàm dơ̆ lơh broă, kwang đơng lam Ƀộ Khoa họk mờ Kông nghệ yal cồng nha bơtàu tơnguh gah khoa họk mờ kông nghệ lơh jăt Jơnau lơh nền bơh Pơrjum dờng cau ala măt gùt lơgar dơ̆ XIII Đảng dê neh ai.

Đơs niam ală cồng nha geh pơnrơ ngan bơh gah khoa họk mờ kông nghệ neh lơh geh bơh rơlao 03 nam lơh jăt Jơnau lơh nền bơh Pơrjum dờng dơ̆ XIII Đảng neh ai, ồng Nguyễn Xuân Thắng jờng rơ ală broă lơh ngan sơrlèt, nùs nhơm rơcang lài, bơceh lơh bơh gùt gah khoa họk mờ kông nghệ dê. Mờ sồr gah khoa họk mờ kông nghệ tơrgùm bơsong ală tiah gơkòl bè gùng dà broă lơh gơrềng tus ală bơta priă jền, sền kwơ broă kơlôi sơnơng ală gah broă kông nghệ pa bơh dunia dê gơrềng tus ală gùng dà tam gơl tơlir, tam gơl sồ, tam gơl năng lượng.