VOV4.K’ho – Bơh ngai 4 tus ngai 6 nhai 6, tàm Hà Nội mờ Phú Thọ, Ban đơng lam dà lơgar hòi jà pà mhàm dong kờl is neh bơyai lơh ală broă lơh jờng rơ 100 nă cau pà mhàm dong kờl is pơn rơ jak  gùt lơgar nam 2019.

Do là broă lơh pah nam nàng ưn ngài, jờng rơ ală krơh niam pà mhàm dong kờl is mờ hòi jà pà mhàm dong kờl is pơn rơ jak tàm gùt ù tiah tàm dà lơgar dê.

Tàm sră cih mat 100 nă cau pà mhàm dong kờl is pơn rơ jak gùt lơgar nam 2019, bơdìh mờ ală cau neh pà mhàm dong kờl is tus 60, 70 dơ\, Mpồl bơyai lơh kung neh rơ wah jờng rơ ală cau pà mhàm dong kờl is mpồl mhàm ờ hoan geh.

Tàm Ngai Dunia pà mhàm dong kờl is nam do 14/6, broă lơh hòi jà pà mhàm dong kờl is lơh dờng ngan rlau jơh “Gùng lòt broă lơh Pơrhê” dơ\ 7 geh ngan ngồn sơn đờm bơh ngai 13/6 mờ jo\ jòng tus jơh ngai 28/7/2019 mờ bơta tus bal bơh 39 càr, [òn dờng tàm gùt lơgar.

Do là nam sơn rờp broă lơh geh bơyai lơh tàm tơngai jo\ jòng ngan rlau jơh, mờ bơta tus bal bơh uă ngan tiah, mờ đơs “Tàm tơrbo\ bal mhàm Việt Nam”.

Cau mblàng K’ Hạnh