VOV4.K’ho – Kuang atbồ Chi cục ròng phan mờ lơh sơnơm phan ròng càr Kon Tum pà git, tàm càr neh geh dùl tiah geh kòp jê ndul gơ jroh sur châu Phi sơn rờp. Tiah geh kòp jê ndul gơ jroh sur châu Phi geh git go\ tàm mpồl sur tàm tiah ròng phan bơh Sơne\ lơh broă Kong ti 716, Binh đoàn 15 dê, gơ wèt ù tiah thôn 1, xã Ia Tơi, kơnhoàl Ia H’Drai.

 Gơnoar atbồ xã Ia Tơi neh pơgồp bal mờ Sơne\ lơh broă kong ti 716 bal mờ mpồl lơh sơnơm phan ròng bơyai lơh tơp pơrguc jơh 43 nơm sur kòp. Jat jơnau đal git bơh sơn rờp, jơnau lơh tiah geh kòp jê ndul gơ jroh sur châu Phi gơbàn là tài mpồl do blơi phan sa bơh tàm drà kă bro nàng tru\ phan sa lơh virus kòp jê ndul gơ jroh sur châu Phi mut tàm mpồl sur bơh mpồl do dê. Tơnơ\ tu\ git go\ tiah geh kòp, gah lơh sơnơm phan ròng bal mờ gơnoar atbồ tàm [òn lơgar neh lam lơh mơ ală broă lơh kơryan kòp, lơh ngan ờ lời kòp bơ tờp uă.

Cau mblàng K’Duẩn