VOV4.K’ho- Mho òr (20/5), Mpồl đơng lam dơ\ pơrlòng jơh bơsram kấp pe dà lơgar nam 2019 càr Kon Tum neh bơyai lơh pơrjum, ring bal broă lơh rcăng mờ gùng dà bơyai lơh Dơ\ pơrlòng jơh bơsram kấp pe dà lơgar nam 2019.

Dơ\ pơrlòng jơh bơsram kấp pe dà lơgar geh lơh bơh ngai 25- 27/6/2019. Ală cau pơrlòng geh pơrlòng jat broă lơh trắc nghiệm mờ ală jơnau pơrlòng toán, dà đơs lơgar ndai mờ ală jơnau pơrlòng tàm bơrlu\ bal; pơrlòng jat broă lơh kơlôi sơnơng cih is gơ wèt mờ môn ngữ văn. Nam do, jơh gùt càr geh rlau 4.300 nă cau pơrlòng lơh sră cih mat dan pơrlòng tàm 12 anih pơrlòng.

Sở Giáo dục mờ Đào tạo pơgồp bal mờ ală hìu bơsram đại học, cao đẳng geh Bộ Giáo dục mờ Đào tạo dê jàu kơnòl pơgồp bal bơyai lơh pơrlòng geh gùng dà bơyai lơh Mpồl duh broă pơrlòng kấp pe; crơng gơs Mpồl duh broă pơrlòng, ai kuang bàng dờng màng ală Mpồl bơh Mpồl duh broă pơrlòng dê, lam lơh broă lơh pơrlòng jat di jơnau sồr bơh Kơrnoat pơrlòng dê…

Cau mblàng Lơ Mu K’Yến