VOV4.K’ho-Tàm ală nam rềp ndo, broă kă bro, pơndiang ntrờ` ma túy bơh lơgar Lào mu\t tàm lơgar Việt Nam tàm gơl gùng tiah nhàr lơgar tàm càr Kon Tum, ngan là ù tiah tàm mpồng nhàr lơgar dunia Bờ Y gơlik geh kal ke. Gơbàn jơnau do tài bơh mpồl lơh broă geh gơnoar tam lơh pràn tàm ală càr đah tô den tàng ală cau kă bro bơta chơ\t cau do tam gơl ntrờ` ù tiah lơh broă mu\t tàm ală càr tiah đah jum tàm hơ\ geh càr Kon Tum. Tềng đap bơta do, mpồl ling sền gàr tiah nhàr lơgar càr Kon Tum neh rcăng lài lơh jat ală broă lơh tàm broă lơh ờs mờng lơh ngan kơryan ma túy tàm gơl gùng tiah nhàr lơgar.

Mìng tàm nhai 4 mờ nhai 5 pa do, mpồl ling sền gàr tiah nhàr lơgar càr Kon Tum sùm jòi bàn mờ ku\p 2 dơ\ lơh tìs ma túy, ku\p 4 nă cau, ku\p ai 60 rbô pơnai ma túy tàm bơrlu\ mờ 2 ki\ ma túy lu\. Jơh ală ma túy do gam geh ală cau do jun bơh lơgar Lào tơmu\t tàm lơgar Việt Nam nàng tăc.

Mpồl ling sền gàr tiah nhàr lơgar mờ Hải quan mpồng nhàr lơgar dunia Bờ Y sền swì rơndeh rơndồ bơh lơgar Lào mu\t tàm Việt Nam

Đại tá Phạm Ngọc Phú, Kuang atbồ Mpồl đơng lam mpồl ling sền gàr tiah nhàr lơgar càr Kon Tum pà gi\t, bơta cau lơh tìs ma túy tàm gơl gùng tiah nhàr lơgar càr Kon Tum ngai sơlơ gơlik geh kal ke. Ală cau kă bro, pơndiang ntrờ` ma túy bơh lơgar Lào tơmu\t tàm lơgar Việt Nam ngai sơlơ rơlăc rơliang mờ ndơ\p mpồn ngan:

Broă pơndiang ntrờ`, prăp mpồn, kă bro ma túy gơlik geh kal ke. Cau pơndiang ntrờ`, prăp pồn, kă bro ma túy tu\ do geh uă broă lơh rơlăc rơliang, ndơ\p mpồn, bơcrì bơcrà ngan, khi kơrhia ngan. Sùm tam gơl rơndeh rơndồ, tam gơl anih ơm, tu\ jiơ kă bro.

Bơh nam 2017, bơh lùp khàu gi\t geh bơta gơlik geh tàm ù tiah [òn lơgar kung bè bơh uă jơnau yal krơi is, mpồl ling sền gàr tiah nhàr lơgar càr Kon Tum neh gi\t, ală cau kă bro ma túy gam ntrờ` ù tiah lơh broă bơh ală càr đah tô mờ đah tô tàm gùl lơgar guh tus Tây Nguyên. Geh gơl gùng tiah nhàr lơgar rềp nhàr bal mờ lơgar gơ\p bơyô Lào mờ Campuchia, geh mpồng nhàr lơgar dunia Bờ Y tàm tơrbo\ bal [ươn [oài ngan, cau lơh tìs ma túy rwah Kon Tum nàng pơndiang ntrờ` ma túy bơh Lào rê tơmu\t tàm Việt Nam. Tềng đap bơta gơguh bol lơh tìs ma túy do, mpồl ling sền gàr tiah nhàr lơgar càr Kon Tum rcăng lài lam lơh uă broă lơh nàng tam dră mờ kơryan.

Pe nă cau bal mờ 60 rbô pơnai ma túy tàm bơrlu\ bal gơtìp mpồl ling sền gàr tiah nhàr lơgar càr Kon Tum ku\p tàm nhai 5 nam 2019

Thiếu tá Nguyễn Văn Sỹ, Kuang atbồ Trạm mpồng nhàr lơgar dunia Bờ Y, Pôs đồng ling sền gàr tiah nhàr lơgar mpồng nhàr lơgar dunia Bờ Y, pà gi\t:

Bol a` neh sơlơ tơnguh tai broă lơh lùp kờ` git broă gơlik geh bơta đah bơdìh tiah nhàr lơgar bơh lơgar gơ\p bơyô Lào dê. Sơlơ ai tai mpồl ling mờ rơndeh rơndồ lòt sền. Kuơmàng là broă lòt sền, gròi sền, sền swì kă bro phan mờ lơgar ndai mờ broă lòt rê mờ lơgar ndai tàm mpồng nhàr lơgar nàng di tu\ sền go\ jơnau jòi kai, gùng dà broă lơh bơh ală bol lơh tìs dê, ngan là lơh tìs bè ma túy.

Gi\t mpồng nhàr lơgar dunia Bờ Y là mpồng nhàr lơgar kuơmàng mờ ală cau kă bro ma túy sơmờm nàng pơndiang ntrờ` ma túy bơh Lào mu\t tàm Việt Nam, mpồl ling sền gàr tiah nhàr lơgar càr Kon Tum pơgồp bal krà` ngan mờ mpồl lơh broă Hải quan mpồng nhàr lơgar tàm ală tu\ sền swì rơndeh rơndồ, sòl sền swì phan cèng jat bal mờ năc bơh lơgar ndai mu\t tàm lơgar he.

                                                 Phan gơtìp bàn mờ kup bơh mpồl kă bro ma túy dê

Ồng Nguyễn Thanh Hải, Phó Kuang atbồ Chi cục Hải quan mpồng nhàr lơgar dunia Bờ Y pà gi\t, tàm broă lơh pơgồp bal mờ mpồng ling sền gàr tiah nhàr lơgar kơryan ma túy, mpồl sùm lời bơta sền gròi uă ngan rlau jơh geh bal kòn bơnus mờ rơndeh rơndồ ai broă lơh do in:

Ală kuang bàng công chức Chi cục geh ai lơh ală broă lơh ờs mờng geh broă lơh jak, gi\t wa\ jrô, geh bồ tơngoh jak bè sòl sền swì kung bè là ală broă lơh ờs mờng gròi sền phan kă bro mờ lơgar ndai. Tu\ do, tàm Chi cục, tàm ală bồ barie tơlik, tơmu\t mờ lơgar ndai kung bè tàm tiah sền swì, gròi sền, sền gròi ndrờm geh camera gròi sền ală tu\ lơh sră nggal kung bè là gròi sền ală tu\ năc mờ rơndeh rơndồ lòt rê. Bal mờ hơ\ kung sơlơ ai tai mpồl cau tus lơh broă tàm tiah mpồng nhàr lơgar nàng sền swì năc lòt rê mờ lơgar ndai.

Bal mờ sơlơ tơnguh tai broă lơh pơgồp bal đah ală mpồl lơh broă geh gơnoar tàm dơlam is, mpồl ling sền gàr tiah nhàr lơgar càr Kon Tum kung lơh pràn broă lùp kờ` gi\t jơnau yal bơh đah bơdìh tiah nhàr lơgar nàng kơryan ma túy tơmu\t kơ`au tàm càr. Bơh nam 2017 tus lồi nhai 5 nam 2019, Mpồl ling sền gàr tiah nhàr lơgar càr Kon Tum neh jòi bàn mờ tam dră 9 dơ\ lơh tìs ma túy.

   Càr Kon Tum jờng rơ nisơna cồng nha jòi bàn mờ ku\p kơryan dơ\ lơh tìs ma túy bơh mpồl ling sền gàr tiah nhàr lơgar dê

Tàm hơ\, pơgồp bal mờ mpồl lơh broă geh gơnoar lơgar gơ\p bơyô Lào jòi bàn mờ ku\p kơryan geh cồng nha uă dơ\ lơh tìs, ku\p ai uă ngan ma túy, bè: dơ\ lơh tìs  911LV ngai 14/11/2017 ku\p 2 nă cau, ku\p ai 40 kơnâm heroin tàm Km50, gùng rơndeh dờng 18B, gơ wèt ù tiah kơnhoàl Phu Vông, càr Attapư; Dơ\ lơh tìs 915LV ngai 10/3/2019 ku\p 3 nă cau, ku\p ai 15.600 pơnai ma túy tàm bơrlu\; Dơ\ lơh tìs 916LV ngai 7/4/2019 ku\p 2 nă cau, ku\p ai 39 rbô 400 pơnai ma túy tàm bơrlu\ bal...

Là mpồl cau tờm bơh Mpồl ling sền gàr tiah nhàr lơgar dê tàm tam dră mờ cau lơh tìs ma túy, Thượng tá Dư Văn Diệp, Phó Kuang atbồ Phòng rcăng sơndră ma túy mờ Cau lơh tìs gơ wèt Mpồl ling sền gàr tiah nhàr lơgar càr Kon Tum pà gi\t, bal mờ bơ\t bơtàu nùs nhơm kơ\ dơn chính trị ai tơl nă kuang bàng, cau ling in, mpồl kung gam pơn jat tai lam lơh uă broă lơh ờs mờng tam dră mờ kơryan jơh ală cau lơh tìs ngòt rơngơ\t do:

Bol a` lơh niam broă kùp khàu bơh sơnrờp, jòi bàn ală mpồl cau, anih ngui ma túy nàng di tu\ tam dră mờ kơryan geh cồng nha. Lơh niam broă lơh lòt sền, gròi sền cau, rơndeh rơndồ lòt rê gan tiah nhàr lơgar. Mblàng yal, bơto bơtê adat boh lam ai làng bol in tàm tiah nhàr lơgar tơnguh uă nùs nhơm rơcăng ngac, kơrhia ngan, tam dră, yal yă cau lơh tìs ma túy. Pơgồp bal mờ mpồl kuang àng bơh lơgar gơ\p bơyô dê nàng lùp kờ` gi\t bal broă gơlik geh mờ tam dră mờ ală mpồl cau lơh tìs ma túy bơh Lào mu\t tàm Việt Nam mờ bơh tiah nhàr lơgar mu\t tàm dà lơgar he.

Mờ bơta lơh ngan jơh nùs kơryan broă lơh kă bro, pơndiang ntrờ` ma túy gan tiah nhàr lơgar, mpồl ling sền gàr tiah nhàr lơgar càr Kon Tum gam ngai pah ngai, pah tu\ pah jiơ lơh ngan bơsong kal ke, tơnguh uă nùs nhơm rcăng ngac kơrhia lài nàng lơh gơs kơnòl broă geh jàu. Ală cồng nha pal cih dờp tàm tơngai do là bơta gơn kơnờm nàng tơl nă kuang bàng, cau ling Mpồl ling sền gàr tiah nhàr lơgar càr Kon Tum geh tai bơta lơh ngan jơh nùs, rcăng lài pơn jat tai ai geh bơta jai pha tàm dơ\ rcăng sơndră mờ cau lơh tìs ma túy sền gàr bơta lơngăp lơngai ai làng bol in.

Cau mblàng Lơ Mu K’Yến