VOV4.K’ho- Lơh jat jơnau sồr bơh Tập đoàn Ồs đèng Việt Nam (EVN), Công ty Ồs đèng Đăk Lăk neh tă tơm rlau 560 tơlak ai 18 nă cau mờ dùl mpồl lơh sa kă bro hơ tăc đèng mat tơngai crăp tềng hơđang rkàng hìu.

Geh 18 hìu bơnhă làng bol mờ dùl mpồl lơh sa kă bro tàm Dăk Lăk dơ\ do\ geh tơm rlau 560 tơlak priă đèng mat tơngai crăp tềng hơđang rkàng hìu

Tu\ do, tàm Dăk Lăk geh 38 hìu bơnhă, mpồl lơh sa kă bro hơ tăc đèng mat tơngai crăp tềng hơđang rkàng hìu ai Công ty Ồs đèng Dăk Lăk in, kờp jơh pràn lơh gơlik pơgăp 135 MWp, đèng lơh geh pah nam kờp du\ geh 190 rbô kWh đèng. Dơ\ do, geh 18 hìu bơnhă mờ dùl mpồl lơh sa kă bro geh dờp priă tơm 566 tơlak.

Ală pang pilgeh crăp tềng hơđang rkàng hìu drà tiah tờm [òn dờng Buôn Ma Thuột

Do là priă tă tơm ai pơgăp 120 rbô kWh đèng in, geh kờp tơrgùm bal bơh bồ nhai 1 tus lồi nhai 5 nam do. Ală hìu kă bro mờ mpồl lơh sa kă bro do gam geh dờp priă dong kờl mờr 2.100 đong tàm dùl kWh đèng (ndrờm mờ 9,36 dolar cents tàm dùl kWh jat khà kờp kờp jat tơngai gam ngui tu\ do bơh Bộ Công thương dê).

Cau mblàng Lơ Mu K’Yến