VOV4.K’ho – Mho òr (21/5), tàm gơlang Chủ tịch, Phó Chủ tịch lơgar, mò Đặng Thị Ngọc Thịnh tìp mat Mpồl cau ala mat geh pà khà jờng Vừ A Dính. Đơs tàm dơ\ wă, Phó Chủ tịch lơgar đơs bơta chờ hờp tu\ geh tìp mat ală cau ala mat ai mpồl bal mờ cau dùl nă să geh pà khà jờng Vừ A Dính in tàm sùm 10 nam do.

Phó Chủ tịch lơgar đơs tờm, do là ală mpồl bal, cau dùl nă să neh geh uă tă pơgồp ai bơta bơtàu tơnguh bơh kơnòm dềt kòn cau tàm jơh ală bă tiah bơh dà lơgar dê. Phó Chủ tịch lơgar sồr Đoàn dà lơgar, kes priă Vừ A Dính pơn jat tai lam sồr, hòi jà, lơh gơlik bơta pin dờn, bơta tam pà bal jơh nùs bơh ală cau geh nùs nhơm niam, ală mpồl lơh sa kă bro, mpồl bal, cau dùl nă să tàm lơgar mờ lơgar ndai gơwèt mờ kơnòm bơsram kòn cau r[ah; lam lơh mờ lơh uă ală broă lơh bơceh pa, gơtùi ngui geh cồng nha tàm rài kis ngan ngồn bơh làng bol ală kòn cau dê, lơh uă kơnòm dềt ală kòn cau geh dờp kuơ.

 Bơh hơ\, pơgồp bơnah bal mờ gah bơto bơsram gùt lơgar crơng gơs ală rơnàng kơnòm bơsram mờ cồng nha bơsram jak, drơng jơnau kờ` mpồl cau lơh broă geh bơta niam uă bơh dà lơgar dê, di mờ jơnau kờ` bơtàu tơnguh lơh sa - mpồl bơtiàn tàm tơngai tam gơl pa mờ mut gơ rờm bal.

Cau mblàng K’Duẩn