VOV4.K’ho – Dờp jơnau jà bơh Bộ trưởng Ngoại giao Cuba, Phó Thủ tướng, Bộ trưởng Ngoại giao, ồng Phạm Bình Minh mờ Mpồl kuang bàng lơgar Việt Nam neh geh dơ\ lòt còp ngan ngồn tus lơgar Cuba bơh ngai 19 tus ngai 21/5. Tàm dơ\ tìp mat cribơyai broă tàm ngai 20/5, 2 gah neh yal bal ờ gơp bè ală bơta bơh tơl lơgar dê tàm tơngai rềp ndo, cribơyai bè gùng dà broă lơh mờ ală broă lơh kờ` pơn jat tai git gơp tam klac bal oh mi, lơh broă bal tơl làm đah 2 lơgar, kung bè ală bơta tàm tiah do mờ dunia mờ 2 lơgar sền gròi bal.

 2 Bộ trưởng ring bal đơs, git gơp đah 2 lơgar neh mut tus tơngai bơtàu tơnguh pa ngai sơlơ ngan ngồn mờ geh cồng nha. Ală cơ chế lơh broă bal đah 2 lơgar geh lam lơh geh cồng nha, priă lơh geh bơh kă bro đah 2 lơgar sùm gơguh uă, geh 335 tơlak đôlar Mỹ tàm nam 2018. Tơnơ\ dơ\ tìp mat cribơyai broă, Bộ trưởng 2 lơgar neh ki\ “Broă rơndap lơh sền sơnơng chính trị tơngai bơh nam 2020 tus nam 2022” đah Bộ Ngoại giao Việt Nam mờ Bộ Ngoại giao Cuba.

Cau mblàng K’Duẩn