VOV4.K’ho- Di dơ\ tus bal dơ\ Pơrjum Ủy ban Lơh broă bal Việt Nam mờ Nhờk dơ\ 11 mờ tus bal mờ đơs tàm Pơrjum Rài tơnơ\ do châu Á geh lơh tàm Tokyo, lơgar Nhờk ngai òr 30/5/2019, ồng Phạm Bình Minh, Phó Thủ tướng mơkung là Bộ trưởng Bộ Ngoại giao Việt Nam neh còp să ồng Shinzo Abe, Thủ tướng lơgar Nhờk, ồng Date Chuichi, Chủ tịch Thượng viện lơgar Nhờk, ồng Oshima Tadamori, Chủ tịch Hạ viện lơgar Nhờk…bal mờ kuang đơng lam bồ bàr pe lơgar lòt Pơrjum Rài tơnơ\ do châu Á.

Phó Thủ tướng ồng Phạm Bình Minh còp să Thủ tướng lơgar Nhờk ồng Shinzo Abe 

Ồng Shinzo Abe, Thủ tướng lơgar Nhờk jờng rơ ngan ală tă pơgồp bơh Việt Nam dê tàm bơyai lơh Pơrjum Kuang bàng dờng màng Mỹ mờ Triều Tiên dơ\ 2 tàm Hà Nội nhai 2 nam 2019 pa do mơkung đơs là, bal mờ broă Hiệp định Lơh broă bal tơl làm mờ gơguh jak gùt Thái Bình Dương (CPTPP) geh ai ngui, digơlan ngai sơlơ geh uă mpồl lơh sa kă bro lơgar Nhờk dê bơcri priă tàm Việt Nam. Bàr gah dùl nùs bal pơgồp niam tài cồng nha lơh geh bơh Pơrjum Kuang bàng dờng màng G20 bơyai lơh tàm Osaka, lơgar Nhờk tàm nhai 6 nam do.

Cau mblàng Lơ Mu K’Yến