VOV4.K’ho- Mho òr (03/6), tàm Hìu duh broă Chính phủ, ồng Vương Đình Huệ, Ủy viên Bộ Chính trị, Phó Thủ tướng Chính phủ mơkung là Kuang atbồ Mpồl đơng lam ală gah mu\t gơrờm bal lơh sa mờ dunia bơh Chính phủ dê đơng lam dơ\ pơrjum sền swì broă lơh tàm nam 2019 mờ ală nam pơn jat tai.

   Phó Thủ tướng ồng Vương Đình Huệ đơs: Pal sền dờng màng yal lài ală broă gơlik geh bơh kă bro dunia dê

Ală kuang bàng tàm Mpồl đơng lam đơs broă lơh sa dunia, tàm tiah do geh ală bơta gơlik geh kal ke, ờ gơtùi gi\t lài, gơrềng tus broă lơh kă bro phan mờ lơgar ndai mờ rài lơh sa tàm lơgar, mơkung đơs ngan là pơn jat tai lơh jat gùng dà mu\t gơrờm bal mờ dunia tơl làm mờ broă tờm là mu\t gơrờm bal lơh sa mờ dunia nàng pơgồp bơnah rơndăp tăp sèng wơl rài lơh sa tàm lơgar, tam gơl pa broă lơh gơguh lơh sa.

Tus tu\ do, Việt Nam neh jơh lơh cribơyai 13 Hiệp định Kă bro Khat gơboh (FTA) mờ gam cribơyai 3 FTA ndai. Dilah geh ki\ ring bal mờ ai tơmu\t lơh jat wil tơl, Việt Nam geh gơ gơs là dùl tàm khà dùl êt ngan lơgar tàm tiah do geh đau gi\t gơ\p FTA dùl tu\ bal mờ ală lơgar geh rài lơh sa dờng bè Lo, Mpồl Tam klac châu Âu, lơgar Nhờk mờ Nga bal mờ uă cau lơh broă bal ndai.

Cau mblàng Lơ Mu K’Yến