Dơ̆ pơrjum do rơ̆p sền sơwì tơrgùm sền wơl, bơsong ală broă gam tai kờñ lơh gơs tàm nam 2024; mờ ai geh broă lơh bal mờ broă lơh broă bal mờ lơgar ndai bơh Anih duh broă Lơh kơnòl broă sùm Quốk hội dê tàm nam 2025 mờ sền sơwì, ai geh ờ uă tơngu me ndai jăt gơnoar broă.

Đơs sơn đờm pơrjum, Củ tịc Quốk hội ồng Trần Thanh Mẫn pà git, tàm 2 ngai geh bơyai lơh pơrjum, Anih duh broă Lơh kơnòl broă sùm Quốk hộki rơ̆p tơrgùm sền sơwì broă tơn jơh, ai geh jơnau bơsram broă lơh mờng chài pơrjum dơ̆ 8, Quốk hội khoă XV mờ broă lơh adăt boh lam sền sơwì ring bal broă lơh Anih duh broă Lơh kơnòl broă sùm Quốk hội nam 2025, ai pơgồp jơnau đơs lài ngan bè broă rơcang lơh pơrjum dơ̆ 9 Quốk hội dê. Jăt mờ hơ̆, kờp dŭ, Quốk hội rơ̆p pơrjum ni sơna lồi nhai 2 nam 2025 nàng lơh wơl ală adăt gơrềng tus broă kwang bàng bè adăt Broă bơyai lơh Quốk hội, adăt Broă bơyai lơh Cíñ phủ, adăt Broă bơyai lơh gơnoar atbồ ală tiah. Anih duh broă Lơh kơnòl broă sùm Quốk hội kung pơgồp bal jơnau đơs tàm 07 tơngu bè priă jền, kes priă. Củ tịc Quốk hội ồng Trần Thanh Mẫn kung sồr pal mhar lơh gơs ală gùng dà broă lơh, rơndăp broă lơh, tam gơl ală adăt nàng bơyai lơh tam gơl pa, rơndăp tăp sèng mpồl kwang bàng niam, lơh broă pràn, geh cồng nha.