VOV4.K’ho – Ngai òr (17/5), kơnhoàl Lâm Hà, càr Lâm Đồng bơyai lơh Pơrjum kuang bàng ala mat ală kòn cau dơ\ 3 nam 2019, tơngai bơh nam 2019 tus nam 2024. Kơnhoàl Lâm Hà tu\ do geh 30 jơi bơtiàn kòn cau oh mi ơm kis bal, geh 1/4 khà kờp làng bol gùt kơnhoàl dê.

 Ală nam do, làng bol ală kòn cau tàm kơnhoàl Lâm Hà neh bơtàu tơnguh pràn ngan bơhìan tam klac bal, kờ` gơboh dà lơgar, sơr lèt gan tơl bơta kal ke, bơta lòng. Bal mờ bơta dong kờl bơh dà lơgar dê, làng bol kòn cau neh bơtàu tơnguh nùs nhơm brồ guh is, tàm pơr lòng lơh sa, tơmù r[ah geh cồng nha. Tus lồi nam lài, Lâm Hà gam geh 553 hìu bơnhă r[ah là làng bol kòn cau, geh 8%. Gùt kơnhoàl geh 11 hìu bơsram tàm tiah làng bol kòn cau tơl khà dà lơgar.

Jàu sră jờng rơ ai ală cau ala mat in

 Kơnhoàl neh geh ală broă lơh, broă rơndap lơh mblàng yal, hòi jà làng bol sền gàr ală broă lơh niam chài, lơh chờ, lơh yàng bơhìan yau niam bơne\ bè lơh yàng dà mbòr, lơh yàng hòi mìu, lơh yàng `ô lir bong… Pơrjum neh ai tơlik jơnau kờ`, kơnòl mờ ală  broă lơh lam lơh broă lơh kòn cau, chính sách kòn cau tơngai bơh nam 2019 tus nam 2024, mơkung pồ Mpồl kuang bàng ala mat tus bal pơrjum ală kòn cau càr geh 23 nă cau mờ ring bal sră pơyua jơh nùs jơh tồr pơrjum dê.

Cau mblàng K’Duẩn