VOV4.K’ho - Ngai do (21/5), Quốc hội pơrjum tàm hìu pơrjum dờng cri bơyai bè ờ uă tơngu me gam geh jơnau đơs ờ ndrờm bal tàm rơndăp broă adăt bơto bơtê tam gơl mờ rơndăp broă adăt Kiến trúc.

Mho òr (20/5), cri bơyai tàm mpồl bè rơndăp broă adăt tam gơl, bơtơl ờ uă bơta tàm adăt kă bro bảo hiểm mờ adăt ngui bơta ngăc ngar, ală kuang bàng đơs là: broă tam gơl 2 rơndăp broă adăt là di pal mờ jơnau hơ bơh Hiệp định CPTPP dê, den tàng pal geh kơlôi sơnơng nền nòn tus mờ broă gơrềng bal; mờ sền gròi tus mờ bơta kuơ bơh cau tus bal blơi bảo hiểm.

Ring bal mờ jơnau yal bal mờ jơnau lùp sền, ală jơnau đơs ndrờm kờ` tam gơl, bơtơl ờ uă bơta tàm adăt kă bro bảo hiểm mờ adăt ngui bơta ngăc ngar kờ` gàr niam broă gơdờp bal mờ ală jơnau hơ dunia.

Chủ tịch Quốc hội mò Nguyễn Thị Kim Ngân đơs tòm, broă tam gơl kờ` kă bro bảo hiểm pal geh gơdờp bal mờ Hiệp định CPTPP, den tàng pal geh kơlôi sơnơng nền nòn broă gơrềng bal tu\ rơndăp broă adăt do geh ngui tàm rài kis.

Cau mblàng Ndong Brawl