VOV4.K’ho - Pơn jăt tai pơrjum dơ\ 7, Quốc hội khoă 14, drim òr (29/5), Quốc hội cri bơyai tàm mpồl bè broă tam pà, ngui khà priă prăp gàr rơcang lài tàm rơndăp broă bơcri priă dà lơgar di mơ tơngai bơh nam 2016 tus 2020 mờ pơrjum tơrgùm bal iăt jơnau yal, jơnau yal lùp sền rơndăp broă adăt lơh broă tam gơl.

Pal kah ngan jăt rơndăp broă adăt lơh broă tam gơl kung ring bal bè lơh tai jơ. Bè sơnam ơm jơh lơh broă, rơndăp broă adăt lơh broă tam gơl kung geh ai tam gơl jăt broă lơh tơnguh sơnơm ơm jơh lơh broă tus 60 sơnam mờ cau ùr mờ 62 sơnam mờ cau klao.

Rơndăp broă geh ai broă tơnguh lơyaì jăt 2 gùng dà. Cri bơyai tàm mpồl bè broă tam pà priă prăp gàr rơcang lài bal kes priă dà lơgar gam tai 10 rơbô tơmàn priă ai ală rơndăp broă kuơ màng dà lơgar in, geh ờ uă kuang bàng sồr pal sền wơl kờ` gàr niam khà broă mhar mờ ai lài ală tiah kơh bơnơ, tiah kal ke, kes priă tă ờ tơl bơtơl mờ broă bơcri.

Geh ờ uă jơnau đơs là, khà măt broă lơh bơtơl rơndăp broă gam ờ hềt lơh di mờ khà broă geh ai, gam geh uă rơndăp broă tàm ală càr geh broă lơh sa niam, tàm tu\ ală càr kal ke ờ hềt geh sền ai priă.

Cau mblàng Ndong Brawl