VOV4.K’ho - Pơn jăt tai pơrjum dơ\ 7, Quốc hội neh iăt jơnau yal mblàng, iăt, lơh niam wơl rơndăp broă tàm rơndăp broă adăt lơh jăt broă lơh glài ku\p màng tam gơl mờ cri bơyai tàm hìu pơrjum dờng bè ờ uă tơngu me gam geh jơnau đơs ờ ndrờm bal tàm rơndăp broă adăt do.

Dùl tàm ală broă dờp geh uă bơta sền gròi bơh ală kuang bàng là broă bơyai lơh ai cau jàm lơh sa bơdìh mờ jàm.

Bơh broă cri bơyai, geh ờ uă  kuang bàng ring bal  mờ kơrnoăt  bè broă bơyai lơh tiah lơh sa, anih lơh broă mờ bơyai lơh bơto broă lơh bơdìh hìu jàm mờ đơs là, broă ai geh bơta niam  cau jàm geh lơh broă bơdìh hìu jàm là tơl^k broă lơh gơguh jăk, niam gơwèt mờ cau jàm.

Geh uă kuang bàng đơs là, broă lơh rơndăp broă adăt tam gơl, bơtơl ờ uă bơta tàm adăt lơh glài ku\p màng pal geh kơlôi sơnơng nền nòn; gàr niam broă lơh geh cồng nha, broă ring bal tàm adăt boh lam đơs bal.

Tàm ngai do (23/5), Quốc hội kung neh cri bơyai tàm hìu pơrjum dờng bè uă tơngu me gam geh jonau đơs ờ ndrờm bal tàm rơndăp broă sơndră mờ bơta aniai bơh ơlăk, bièr.

{ùi mho, Quốc hội cri bơyai tàm mpồl bè rơndăp broă adăt tam gơl, bơtơl ờ uă bơta tàm adăt Kiểm toán dà lơgar; rơndăp broă adăt Thư viện.

Cau mblàng Ndong Brawl