VOV4.K’ho- Tàm dơ\ cribơyai drim òr 30/5, uă broă lơh duh hồl hìu pơrjum Quốc hội, hơ\ là: broă blơ\ blăc pơrlòng; kòp jê ndul gơjroh sur châu Phi gơlik geh kal ke lơh gơbàn hoàc hươr uă ngan cau ròng phan in; kuơmàng uă kuang bàng neh đơs tus broă gơguh priă xang, priă đèng, lơh cau te\ khà tàm gùt lơgar kơlôi rcăng ngan.

Uă kuang bàng đơs là, broă gơguh priă đèng tơngai do là ờ dipal. Broă dong kờl bơtàu tơnguh lơh sa kă bro, gơguh lơh sa là jơnau kờ` lơh ngan wèt tus jat gùng dà kơrnoat drà kă bro, mơya pal dipal mờ bơta geh ngan dà lơgar dê. Đơs tus broă blơ\ blăc tàm dơ\ pơrlòng jơh bơsram kấp pe nam lài, bàr pe jơnau đơs đơs là, pal geh cau kong kơnòl tềng đap làng bol tài bơh broă gơlik geh tàm uă tiah.

Gơrềng tus kòp jê ndul gơjroh sur châu Phi ngai sơlơ lơh bơtờp mhar, lơh bơtờp uă tiah, Chính phủ pal tơrgùm rlau tai hòi jà jơh ală anih lơh broă chính trị mu\t lơh bal, kràn cê jơh nùs sồr lam lơh jat dùl ròt bal ală broă lơh kơryan kòp jê ndul gơjroh sur châu Phi.

{ùi mho, ală kuang bàng Quốc hội pơn jat tai lơh broă tàm Hìu pơrjum, nàng cribơyai bè sền swì bơtơl cồng nha lơh jat broă rơndăp lơh bơtàu tơnguh lơh sa- mpồl bơtiàn mờ kes priă dà lơgar.

Cau mblàng Lơ Mu K’Yến