VOV4.K’ho- Tàm ală nam rềp ndo, broă ròng siam, sền gàr kơnòm dềt lơh geh uă cồng nha, gàr niam ală gơnoar bơh kơnòm dềt mờ gơrờm bal mờ dunia. Adat Kơnòm dềt nam 2016 kung neh lơh gơs ală tơngume gơrềng tus kơrnoat boh lam mờ ală broă dong kờl mpồl bơtiàn gơrềng tus kơnòm dềt.

Broă lơh broă dà lơgar tài kơnòm dềt tơngai bơh nam 2012- 2020 neh cih broă, broă dong kờl bơcri priă ai kơnòm dềt in wèt tus dùl tơngume broă dong kờl tơl làm ai kơnòm dềt in. Mơya kung gam sơl ală kal ke, bơta lòng tàm broă lơh ròng siam sền gàr kơnòm dềt. Den tàng bè hơ\, sền gàr, ròng siam kơnòm dềt kờ` ngan bơta lơh bal bơh uă gah sơnah lơh broă dê mờ kơnòl ờ go\ di mìng bơh is dùl nă cau lơi dê.     

Ờ dùl êt nă kơnòm dềt bơh dì tu\ pa deh tơn neh gơtìp sang lời tài bơh ală broă lơh tìs bơh cau dờng dê. Kơnòm dềt gơtìp lơh pờng, lah pơrhơng, gơtìp rồn bơklơn lơh broă kơn jơ\, gơtìp sồt să, chơ\t să tài bơh rềs àr bu\ dà kung gam gơlik sùm pah ngai sơl. Tơrgùm kờp pah nam geh pơgăp 1 rbô 500 nă kơnòm dềt là cau gơtìp aniai bơh ală dơ\ lơh pờng, kơltơ\; kờp bal geh tus 2 rbô nă kơnòm dềt gơtìp bu\ dà pah nam mờ khà chơ\t bu\ dà mìng gơtìp tàm kàl duh là tơngai ală oh geh ơm rlô bơkang. Mò Ngô Thị Minh, Phó Kuang atbồ Ủy ban Niam chài, Bơto bơtê Ơruh pơnu, Kơnòm pa tàu mờ Kơnòm dềt Quốc hội dê đơs là:    

Bơta dơ\ dùl mờ bol he pal tơrgùm tă bơsong, hơ\ là jơnau geh ngan lơh pờng, lah pơrhơng, kơltơ\ kơnòm dềt. Bơta dơ\ bàr là gơnoar bơh ală oh dê, tàm hơ\ geh mpồl kơnòm dềt ờ pràn, a` sền gròi uă ngan tus mpồl kơnòm dềt kue\t kơlte mờ mpồl kơnòm dềt pal sơrbì bơsram, mpồl kơnòm dềt ơm kis lềng làm bă tiah jòi sa lòt kơna dàn ờ hềt jơh bơsram bơtơl kấp 2. Ală Bộ, gah sơnah lơh broă dà lơgar kung pal sền gròi nàng ală mpồl kơnòm dềt ờ pràn do geh dờp wil tơl gơnoar bơh he dê. Dùl bơta tai là gơnoar geh nhơl `o\ bơh kơnòm dềt dê. Nàng kơnòm geh kis dờng niam jơh ală bơta den bol he pal sền dờng màng gơnoar nhơl `o\ bơh ală oh dê, tàm hơ\ bol he kung pal sền gròi tus ală anih niam chài, anih nhơl `o\.

Jat mò Nguyễn Phương Linh, Kuang atbồ Tiah tờm Kơlôi sơnơng Atbồ Bơtàu tơnguh kơ\ kơl jăp (MSD), Tơrgùm ală mpồl jak chài mờ măy mok Việt Nam dê đơs, ală kơnòm dềt tàm ală tiah sar lơgar ngài, tiah kal ke ờ huan geh iat kơno jơnau yal, ờ geh bơta bơto pơlam mờ sền gàr, ròng siam bơh hìu bơnhă, hìu bơsram dê den tàng [ươn gơtìp ală jơnau pơhìn bè lơh pờng, lah pơrhơng, kơltơ\, bu\ dà mờ rềs àr sồt să. Ngan den tàng bè hơ\, kơnòl bơh ală kấp, ală gah, hìu bơnhă, hìu bơsram, mpồl bơtiàn dê pal lời ală oh in gi\t geh gơnoar bơh he dê. Bal mờ hơ\, ală oh pal geh bơto pơlam wil tơl bơta chài ơm kis nàng gơtùi sơndră wơl mờ ală jơnau digơlan gơlik geh, jơnau pơhìn digơlan gơtìp:

Bol he ờ gơtùi pồn ndơ\p halà kơryan jơh jơnau yal bơh kơnòm dềt dê ờ, bol he pal kis dờng bal mờ kòn. Tu\ kòn kờ` lùp jơnau lơi den bol he, ală cau dờng, cau pơgru, hìu bơnhă, hìu bơsram, bơto pơlam ală kòn in, lòt bal mờ ală kòn gi\t đal gi\t bơta lơi là di, bơta lơi là tìs, bơta lơi là gơtùi lơh mờ bơta lơi là gùng dà bơsong. Tu\ oh kòn kờ` bơta dong kờl den gơtùi jòi bơta dong kờl bơh hìu bơnhă, hìu bơsram halà ală anih lơh broă geh gơnoar halà Tổng đài dong kờl 111 pơnyơu là bè hơ\. Hơ\ là ală bơta mờ bol he pal bơto tơngkah mờ lơh geh anih bơsram niam ai ală kòn in.

Nàng kờ` gơnoar kơnòm dềt dê geh lơh jat tơl làm mờ geh cồng nha, ồng Đặng Hoa Nam, Kuang atbồ Cục Kơnòm dềt, Bộ Lao động, Thương binh mờ Xã hội pà gi\t, Bộ neh lơh kơrnoat pơgồp bal ală gah, kuơmàng là mờ Đoàn ơruh pơnu dà lơgar, Mpồl Tam klac cau ùr Việt Nam, Mpồl Sền gàr gơnoar kơnòm dềt Việt Nam, lam lơh tus [òn lơgar dờp kơno jơnau yal, tus bal dong kờl di tu\ ai ală kơnòm dềt gơtìp lơh pờng, lah pơrhơng, kơltơ\, kơnòm dềt geh rài kis kal ke in…Tàm hơ\, kuang bàng kấp sơnah [òn, xã pal geh bơto pơlam jơnau gi\t wa\ bè kơnòm dềt nàng geh ală bơta dong kờl di tu\:

Ală kuang bàng bơh ală mpồl do dê gơtùi tus bal ngan ngồn tàm broă lơh lơh broă lơh sền gàr kơnòm dềt kấp xã. Dà lơgar kung pal geh bơto pơlam ală tiah nàng pơlam Adat Kơnòm dềt- Nghị định 56. Broă pơlam sền gàr kơnòm dềt kal ke ngan mơya geh gùng dà broă lơh ing là dilah pơnyơu bè cau lơi geh jàu kơnòl lơh broă kơnòm dềt kấp xã mờ khi ờ hềt jak chài ngan tàm broă lơh den khi gơtùi hòi tus Tổng đài 111 khat tàm tu\ jiơ lơi nàng Tổng đài bơto pơlam khi in lơh jat jơh ală broă bơto pơlam jat jơnau cih bơh Adat dê. Bơta ndai tai, ală tiah tờm lơh broă mpồl bơtiàn bơh ală càr dê kung pal rcăng dong kờl pơgồp bal mờ xã lam lơh ală broă lơh bơto pơlam,  dong kờl khi in.

“Iat kơno kơnòm dềt mờ plai nùs, sền gàr kơnòm dềt mờ broă lơh”. Do ờ go\ di mìng là jơnau đơs tàm bơr tàm sră pơ àr lơm gời ờ mờ bol he kờ` ală broă lơh geh kuơ ngan ai kơnòm dềt in. Sền gàr te\ ai rơnàng tơnơ\ do bơh dà lơgar dê in nàng kơnòm dềt geh kis tàm tiah ơm kis niam, ờdo ờdă, lơngăp lơngai mờ kis dờng niam mờ tơl ală bơta.

Cau mblàng Lơ Mu K’Yến