VOV4.K’ho – Dờp jơnau jà bơh Thủ tướng Chính phủ lơgar Cộng hòa xã hội chủ nghĩa Việt Nam ồng Nguyễn Xuân Phúc, Thủ tướng lơgar Italy ồng Giuseppe Conte geh còp ngan ngồn lơgar Việt Nam bơh ngai 5 - 6/6/2019.

Kờp bơh ngai crơng gơs bơta g^t gơ\p lơh broă bal mờ tơnơ\ rlau 5 nam crơng gơs bơta g^t gơ\p Lơh broă bal kuơ màng, bơta g^t gơ\p Việt Nam mờ Italy pơn jat tai bơtàu tơnguh niam, ngai sơlơ jrô ơnàng tàm jơh bal ală gah, bơh chính trị, lơh sa, niam chài rơgơi, bơto bơtê mờ lơh broă bal đah ală tiah.

Dơ\ lòt còp ngan ngồn Việt Nam dơ\ do bơh Thủ tướng Italy ồng Giuseppe Conte dê nàng kờ` sơlơ tơnguh bơta g^t gơ\p lơh broă bal kuơ màng Việt Nam mờ Italy tàm ală gah chính trị, lơh broă mờ lơgar ndai, sền gàr dà lơgar, lơngap lơngai, lơh sa, kă bro, bơcri priă, lơh broă bal bơtàu tơnguh, rcang sơn dră mờ tam gơl trồ tiah mờ at bồ dà ìa, lơh sa suơn sre, ồs đèng, niam chài rơgơi, bơto bơtê, khoa học công nghệ mờ nhơl chờ. Sơlơ pơgồp bal mờ dong kờl bal mờ gơ\p tàm ală dơ\ pơrjum uă lơgar, cribơyai ală broă dunia mờ tàm tiah rềp bal geh sền gròi bal.

Cau mblàng K’ Hạnh