VOV4.K’ho - Pơrjum dơ\ 7, Quốc hội khoă 14 neh sơn đờm lơh tàm drim do (20/5), tàm Hà Nội. Geh bơyai lơh tàm 20 ngai, tàm pơrjum do Quốc hội geh pơgồp jơnau đơs tàm uă tơngu me kuơ màng.

Tàm pơrjum drim do, ală kuang bàng iăt ala măt Chính phủ yal jơnau sền wơl bơtơl cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam lài, bơta tàm ală nhai bồ nam do mờ jơnau yal tơrgùm bal jơnau pơgồp bal, jơnau dan bơh cau te\ khà bal mờ làng bol.

Mho do (20/5), Quốc hội cri bơyai broă lơh bè broă lơh jăt kes priă dà lơgar nam 2017; broă bơtơl khà rơndăp broă pa tàm rơndăp broă bơcri priă dà lơgar di mơ tơngai bơh nam 2016 tus 2020; rơndăp broă adăt tam gơl, bơtơl ờ uă bơta tàm adăt kă bro bảo hiểm mờ adăt ngui bơta ngăc ngar.

Pơrjum dơ\ 7, Quốc hội ngui phần mềm điện tử kờ` ai sră, jơnau yal ai ală kuang bàng in [uơn ngan. Kuang bàng mìng geh ai điện thoại ngăc ngar den gơtùi dờp sră nggal. Do là dùl tàm ală broă lơh pơgồp bal tàm broă chồl pràn broă lơh jăt Quốc hội điện tử.

Cau mblàng Ndong Brawl