VOV4.K’ho- Drim òr 5/6, tàm Hìu duh broă Chủ tịch lơgar, ồng Nguyễn Xuân Phúc Thủ tướng Chính phủ neh đơng lam dơ\ bơyai lơh wa\ rò yu\ rơyùm Thủ tướng lơgar Italia ồng Giuseppe Conte còp ngan ngồn lơgar he. Tơnơ\ dơ\ wa\ rò, bàr nă Thủ tướng lam bồ mpồl kuang bàng dờng màng bơh 2 lơgar dê mu\t cribơyai.

Thủ tướng đơng lam dơ\ wa\ rò Thủ tướng Italia còp ngan ngồn lơgar he

Bàr nă Thủ tướng đơs gi\t gơ\p 2 lơgar gam uă bơta pràn nàng bơtàu tơnguh jrô ơnàng rlau tai mờ dùl nùs bal pơn jat tai sơlơ ai ală mpồl kuang bàng ală kấp tìp mat cribơyai broă, lơh pràn lơh broă bal tàm ală gah broă lơh: chính trị, lơh broă mờ lơgar ndai, lơh sa, niam chài, bơto bơtê, jak chài, măy mok, lơngăp lơngai, sền gàr dà lơgar, lơh broă bal bơtàu tơnguh kơ\ kơl jăp, tam dră tam gơl trồ tiah, tàm tơrbo\ bal ală tiah, lơh jat ală broă lơh broă bal mờ jơnau ring bal neh lơh geh.

Bàr nă Thủ tướng đơs nền bơta kuơmàng bơh broă sền gàr ring lơngai, kơ\ kơl jăp, lơngăp lơngai, ờdo ờdă mờ khat gơguh gùng dà lềng mờ gùng rơndeh par tàm Dà lềng đah mat tơngai lik gơ wèt mờ tiah do mờ dunia, kung bè broă bơsong ală tam pìt tam phà bơh broă lơh ring lơngai, jat tàm bơta pal jat sền dờng màng adat boh lam dunia tàm hơ\ geh Công ước Liên hợp quốc bè Adat Dà lềng nam 1982 (UNCLOS).

Cau mblàng Lơ Mu K’Yến