VOV4.K’ho- Mho òr 6/6, tàm Hìu Quốc hội, ồng Nguyễn Xuân Phúc Thủ tướng Chính phủ tìp mat Mpồl kuang bàng Quốc hội kơnòm să khoá 14. Đơs tàm dơ\ tìp mat, Thủ tướng đơs là, rơnàng kơnòm să đơs bal, ală Kuang bàng Quốc hội gam kơnòm să đơs is pal lơh ngan pơđơl pràn, bơsram tàp, lơh ngan jơh nùs jơh tồr, ờ ngòt lam lài lơh lài dờp kơnòl broă kal ke mờ Đảng, Dà lơgar dê jàu.

Thủ tướng bal mờ ală kuang bàng cùp rùp bal mờ ală kuang bàng Quốc hội kơnòm să

Thủ tướng đơs ngan, Đảng mờ Dà lơgar ơn bơta pin dờn uă ngan tàm rơnàng kơnòm să, kuơmàng là Kuang bàng Quốc hội kơnòm să, ală cau geh nùs nhơm niam, bồ tơngoh jak, pơn jat tai tă pơgồp tàm bơta bơtàu tơnguh bơh dà lơgar dê tu\ do mờ tơnơ\ do. Chính phủ sền gròi ngan tus broă sơnđờm mu\t lơh broă mờ sồr ală Kuang bàng Quốc hội kơnòm să pơn jat tai sền gròi tus tam gơl pa bơceh pa mờ sơnđờm mu\t lơh broă, sền gròi tus jak chài măy mok tàm bơtàu tơnguh.

Thủ tướng sồr ală Kuang bàng Quốc hội kơnòm să pơn jat tai lơh jat niam gơnoar broă tàm tiah he dê mờ tàm [òn lơgar, tus bal geh cồng nha, geh kơnòl, geh jơnau kơ\p kờ`, geh bồ tơngoh kơlôi sơnơng, tài bơta bơtàu tơnguh bơh dà lơgar mờ jơi bơtiàn dê.

Cau mblàng Lơ Mu K’Yến