VOV4.K’ho- Ngai òr (27/5), kung tàm dơ\ lòt còp ngan ngồn lơgar Thụy Điển, ồng Nguyễn Xuân Phúc Thủ tướng Chính phủ neh cri bơyai broă mờ Thủ tướng lơgar Thụy Điển ồng Stefan Loefven. 

             Thủ tướng Nguyễn Xuân Phúc cribơyai broă mờ Thủ tướng Thụy Điển  

Thủ tướng đơs loh Việt Nam sùm sền dờng màng gi\t gơ\p lơh bơyô bơh yau, nùs nhơm jrô ơnàng mờ lơgar Thụy Điển mờ kơ\p kờ` sơlơ tơnguh rlau tai lơh broă bal uă bơta đah 2 lơgar.Bàr nă Thủ tướng đơs ngan bơta gi\t gơ\p kă bro mờ bơcri priă lơh dùl gơnoar broă kuơmàng tàm lơh broă bal đah 2 lơgar mờ neh geh ală bơta bơtàu tơnguh uă ngan, mơya gam ờ hềt ndrờm pal mờ bơta pràn bơh 2 lơgar dê.

Nàng lơh niam bơta pràn gam uă tàm broă do, ồng Nguyễn Xuân Phúc sồr Chính phủ lơgar Thụy Điển sền gròi, hòi jà ală mpồl lơh sa kă bro lơgar Thụy Điển dê sơlơ bơcri priă tàm Việt Nam tàm ală gah broă lơh mờ lơgar Thuỵ Điển geh bơta pràn bè lơh sa mờ măy mok lơh mòn phan, dà sơnơm, điện tử, yal tơngi\t mblàng yal jơnau, tam brê mờ tơnhàu lơh gơlik dơm chi kơ\ kơl jăp, bơsong sồ siă tuh bơdìh, sơnơm tơm ba, lơh sa mờ măy mok dong kờl ala rơndeh ô tô.

Bàr gah dùl nùs ring bal geh lơh pràn lơh broă bal tàm ală mpồl tàm tiah do mờ dunia bè Liên hợp quốc, ASEM, lơh broă bal ASEAN mờ EU, kung bè tus bal lơh broă bal sơndră wơl mờ ală broă gùt plai ù, sơndră wơl mờ tam gơl trồ tiah, gàr niam bơtàu tơnguh kơ\ kơl jăp.

Cau mblàng Lơ Mu K’Yến