VOV4.K’ho – Di dơ\ lòt còp ngan ngồn lơgar Nga, mang ngai 21/5, jat jiơ tiah do dê, Thủ tướng Nguyễn Xuân Phúc tus còp, bơh bơr mờ kuang bàng, cau lơh broă tàm Đại sứ quán Việt Nam, Mpồl làng bol Việt Nam kis tàm lơgar Nga.

Thủ tướng sồr Đại sứ quán Việt Nam tàm lơgar Nga pơn jat tai lơh niam kơnòl broă Đảng, dà lơgar neh jàu, lơh niam kơnòl broă dong kờl làng bol, dong kờl cau Việt Nam tàm lơgar Nga tàm broă bơsram, ơm kis, lơh broă; lơh pràn broă lơh sa mờ lơgar ndai mờ nùs nhơm “ tơl nă cau Việt Nam tàm lơgar Nga pal là anih blơi phan Việt Nam dê”.

Gơ wèt mờ mpồl bơtìan cau Việt Nam kis tàm lơgar Nga, Thủ tướng kơ\p kờ` làng bol lơh jat adat boh lam tàm tiah he ơm kis, pơn jat tai sơr lèt gan kal ke, brồ guh tàm rài kis, prap gàr niam, lơh jat ală bơta kuơ niam chài rơgơi bơh yau bơh cau Việt Nam dê tàm hìu bơnhă mờ mpồl bơtìan…

Thủ tướng pà g^t, geh sồr lơgar Nga ai tơl bơta buơn nàng làng bol cau Việt Nam in bơsram, lơh sa, ơm kis tàm lơgar Nga gơ in buơn boài. Thủ tướng kung kơ\p kờ` ală cau bơsram dờng Việt Nam sơlơ tơnguh broă bơsram sră, jòi g^t bơta niam bơne\, bơta g^t wă niam chài rơgơi, khoa học kỹ thuật gơguh jak bơh lơgar Nga dê nàng tă pơgồp bơnah bơt bơtàu dà lơgar, là r[àng tơrbo\ ai bơta g^t gơ\p 2 lơgar dê.

Cau mblàng K’ Hạnh