VOV4.K’ho - Mho òr (29/5), tàm hìu lơh broă Chính phủ, Thủ tướng Nguyễn Xuân Phúc wă Chủ tịch Quốc hội lơgar Campuchia ồng Samdech Heng Samrin.

Thủ tướng ồng Nguyễn Xuân Phúc đơs loh, lơgar Việt Nam sùm sền kuơ, ai lài broă tơnguh bơtàu broă lơh bal mờ lơh bơyô bal tơl ală bơta mờ lơgar Campuchia; kờ` lơgar Campuchia tàm broă tơnguh bơtàu dà lơgar.

Thủ tướng kơ\p kờ` bàr gah pơn jăt tai tơnguh broă lơh bal, tam pà bal jơnau tơng^t kờ` gàr niam tiah kis lơngăp lơngai, ring niam bal; lơh sùm jăt kơrnoăt ờ ai ală mpồl lơi ngui ù tiah lơgar do kờ` lơh broă tam dră mờ lơgar ndai.

Thủ tướng sồr Quốc hội lơgar Campuchia pơn jăt tai kờ` bal mờ broă tơnguh broă lơh bal tàm ală gah broă lơh sa, bơta chài rơgơi, bơto bơtê mờ bơsram, khoa học-kỹ thuật, rơneh par, lơh sa suơn sre, hìu măi pờ tơl^k ồs đèng, kă bro gan nhàr dà lơgar…

Bè broă cau lơgar Việt Nam, Thủ tướng sồr lơgar Campuchia ai bơta [uơn cau lơgar Việt Nam bè sră nggal adăt boh lam mờ bơsong di pal broă ntrờn làng tàm tơnao dà Biển Hồ. Thủ tướng pin dờn mờ broă lơh bal bơh bàr gah, broă bơsong niam bơne\ broă do geh pơgồp bal niam tàm broă tơnguh bơtàu broă lơh bal bơh bàr lơgar.

Cau mblàng Ndong Brawl