VOV4.K’ho - Mho òr (26/5), jăt jơ lơgar Việt Nam, Thủ tướng ồng Nguyễn Xuân Phúc bal mờ pơ-ùr mờ mpồl kuang bàng dờng màng lơgar Việt Nam neh bơh lơgar Na Uy, tơn jơh niam bơne\ dơ\ tus còp mùl màl lơgar Na Uy jăt jơnau jà bơh Thủ tướng lơgar Na Uy mò Erna Solberg.

                      Thủ tướng ồng Nguyễn Xuân Phúc bal mờ Thủ tướng lơgar Na Uy mò Erna Solberg

Tàm dơ\ tus còp, bàr Thủ tướng đơs niam broă lơh bal tàm ală gah broă tòm kung neh mờ gam geh ală broă tơnguh bơtàu pràn kơl dang, tàm hơ\ uă ngan là tàm ală gah lơh sa brê bơnơm, tiah kis, phan tàm dà, năng lượng lơh geh wơl, pơn diang phan mờ gùng dà lềng bal mờ lơh ơhò.

Bàr gah ring bal chồl pràn kờ` lơh gơs dar cri bơyai Hiệp định kă bro khăt gơboh (FTA) bơh lơgar Việt Nam mờ Mpồl tam klăc lơh sa kă bro khăt gơboh châu Âu (EFTA) tàm hơ\ geh lơgar Na Uy là lơgar đơng lam cri bơyai; lam sồr mpồl anih lơh sa kă bro bơh bàr lơgar pơn jăt tai chồl pràn mờ pờ ơnàng broă bơcri priă kă bro, …

Thủ tướng lơgar Na Uy mò Erna Solberg đơs niam gơnoar bơh mpồl bơtiàn cau lơgar Việt Nam kis tàm lơgar Na Uy mờ rơlao 20 rơbô nă tàm broă tơnguh bơtàu broă lơh g^t gơ\p, lơh broă bal mờ tìp bal làng bol bơh bàr lơgar.

Thủ tướng ồng Nguyễn Xuân Phúc sồr Chính phủ lơgar Na Uy pơn jăt tai ai bơta [uơn mpồl cau lơgar Việt Nam ơm kis mờ tơrgùm bal ring niam, prăp gàr bơta niam chài rơgơi lơgar Việt Nam, tơnguh gơnoar tơrbo\ bal chồl pràn broă lơh bal bơh bàr lơgar dê.

Cau mblàng Ndong Brawl