VOV4.K’ho – Mho òr (17/5), tàm Hìu lơh broă Chính phủ, Thủ tướng Nguyễn Xuân Phúc neh wă mò Terresa Cristina Corrêa, Bộ trưởng Nông nghiệp, Chăn nuôi mờ Cung ứng lơgar Brazil. Tàm dơ\ wă, Thủ tướng đơs niam cồng nha lơh broă đah Bộ Nông nghiệp 2 lơgar. Thủ tướng chờ hờp sền go\ git gơp lơh broă bal tơl làm đah Việt Nam mờ Brazil tàm sùm 30 nam do neh lơh geh uă cồng nha mờ bơtàu tơnguh niam bè tơl gah broă lơh.

Thủ tướng sồr 2 gah kờ` pal sơlơ lơh pràn lơh broă bal tàm uă gah, ngan là tàm gah kă bro, bơcri priă, lơh sa suơn sre. Đơs lài, lơh sa suơn sre là gah broă lơh geh uă bơta pràn tàm broă lơh bal đah 2 lơgar, Thủ tướng kơp kờ`, 2 gah lơh broă bal pràn kơldang rlau. Priă lơh geh bơh kă bro đah 2 gah gơguh mờr 9 dơ\ tàm 10 nam do, ai Brazil gơ gơs là lơgar lơh broă bal kă bro dờng ngan rlau jơh bơh lơgar Việt Nam dê tàm tiah Mỹ Latinh mờ dơ\ 2 tàm châu Mỹ (mìng tơnơ\ lơgar Mỹ). Thủ tướng sồr Brazil ai geh bơta [uơn nàng phan lơh gơs bơh suơn sre lơgar Việt Nam dê geh tac tus lơgar do, tàm hơ\ geh ka tra mờ ka ti bal mờ ală phan lơh gơs bơh suơn sre ndai.

Cau mblàng K’Duẩn