VOV4.K’ho- Kung gơ ơm tàm dơ\ lòt còp ngan ngồn lơgar Nga, Thủ tướng Chính phủ Việt Nam ồng Nguyễn Xuân Phúc neh tìp mat mờ Kuang atbồ lơgar Nga ồng Vladimir Putin tàm Moscow.

Bàr lơgar đơs niam ngan cồng nha lơh broă bal kă bro tàm tơngai pa do mờ broă lơh geh cồng nha Hiệp định kă bro khat gơboh Việt Nam mờ mpồl tam klac lơh sa châu Á mờ châu Âu, tơngo\ bơta rcang lài pơn jat tai bơsong ală bơta kơryan kă bro, kuơ màng gah lơh sa suơn sre, phan tam dà đah 2 lơgar dê.

Bàr lơgar đơs là, Việt Nam mờ Nga kung gam geh uă ngan bơta pràn nàng sơlơ tơnguh lơh broă bal, pal lơh ngan lơh geh jơnau kờ` priă lơh geh bơh kă bro phan bơh 2 gah dê gơguh tus 10 tơmàn dolar Mỹ nam 2020.

Tàm nùs nhơm bơta g^t gơ\p, pin dờn chính trị uă, bơta g^t gơ\p lơh bơyô bơh yau uă ngan, Thủ tướng Nguyễn Xuân Phúc mờ Kuang atbồ lơgar Nga neh cribơyai uă broă tàm dunia mờ tàm tiah do mờ 2 gah sền gròi bal, ring bal pơn jat tai pơgồp bal niam mờ dong kờl bal mờ gơ\p tàm ală dơ\ pơrjum uă lơgar.

Kuang atbồ lơgar Nga ồng Vladimir Putin đơs ngan, Nga kờ` broă bơsong tam pìt tam phà tàm dà lềng đah mat tơngai lik mờ broă lơh ring lơngai, di pal mờ adat boh lam dunia, tàm hơ\ geh Công ước bơh Liên hợp quốc mờ Adat boh lam Dà lềng nam 1982, lơh jat tơl làm DOC mờ gờ` bơt bơtàu COC.

Cau mbàng K’ Hạnh