VOV4.K’ho - Tàm [òn dờng Dà Làc, càr Lâm Đồng, Ban Tuyên giáo Dà lơgar pơgồp bal mờ Anih pờ tơl^k jơnau đơs Việt Nam (VOV), Anih sơnđio rùp (VTV) neh bơyai lơh tìp bal cau geh pơnrơ jăk tàm broă bơsram mờ lơh jăt ơnà jăk, nùs nhơm, broă lơh Bác Hồ tiah tàm gùl lơgar mờ Tây Nguyên nam 2019.

Dơ\ tìp bal kờ` chồl pràn broă lam sồr bè cồng nha lơh jăt Chỉ thị sồ 05 bơh Bộ Chính trị, pơn jăt tai hòi pơlam mờ ai geh bơta gơdờp bal dờng tàm gùt Đảng, gùt làng bol, gùt ling klàng chồl pràn bơsram mờ lơh jăt ơnà jăk, nùs nhơm, broă lơh Bác Hồ dê, tơnkah 50 nam lơh jăt jơnau nting bơr lời wơl bơh Bác Hồ.

Tus bal broă tìp bal là ală cau geh pơnrơ jăk, ală cau lam lài mờ uă broă lơh niam, broă mờng chài kuơ màng tàm ală gah broă. Ală cau lam lài geh pơnrơ jăk tam pà bal tàm dơ\ tìp neh đơs tus mờ broă gơdờp bal ală bơta kuơ niam bơne\ tàm ơnà jăk, nùs nhơm, broă lơh Bác Hồ dê.

Cau mblàng Ndong Brawl