VOV4.K’ho – Di tơngkah 130 nam ngai deh Kuang atbồ Ban Thường trực Quốc hội, bồc ồng Nguyễn Văn Tố (05/6/1889 – 5/6/2019), tàm Hà Nội, Ban chấp hành Đảng dà lơgar, Quốc hội, Chủ tịch lơgar, Chính phủ, Ủy ban Mặt trận dà lơgar Việt Nam, [òn dờng Hà Nội neh pơgồp bal lơh tơngkah kấp dà lơgar 130 nam ngai deh Kuang atbồ Ban Thường trực Quốc hội, bồc ồng Nguyễn Văn Tố.

 Là cau lơh jat jơnau bơto sồr bơh gah jat yàng Nho dê kờ` gơboh dà lơgar,  tàm gơnoar broă là Kuang atbồ Ban Thường trực Quốc hội sơn rờp ngan bơh dà lơgar Việt Nam dân chủ cộng hoà dê, bồc ồng Nguyễn Văn Tố neh pơgồp bơnah tàm broă bơt  bơtàu gơnoar atbồ kac màng, lơh gơs gùng dà broă lơh tàm lơgar, cribơyai mờ lơgar ndai, lam lơgar he lik bơh bơta kal ke “rbô kân yồng che so\”.

Mat sơnđan bồc ồng dê neh mut tàm bơta kah yau jơi bơtiàn mờ ală bơta tă pơ gồp dờng màng ai broă lơh khoa học, ngan là khoa học xã hội mờ nhân văn; dră wơl bơta ờ git sră, tơnguh bồ tơ ngoh bơsram sră làng bol in.

 Đơs tàm dơ\ lơh tơngkah, Chủ tịch Quốc hội đơs là, dơ\ tơngkah là tu\ nàng bol he kah ưn ngài mờ kah kơlôi dà kơl hề, bơta tă pơgồp dờng màng bơh bồc ồng Nguyễn Văn Tố gơ wèt mờ broă lơh kac màng Việt Nam. Rài kis lơh broă jơh nùs, phi să tài dà lơgar, tài làng bol bơh bồc ồng Nguyễn Văn Tố dê là krơh àng niam ngan nàng ală kuang bàng ala mat Quốc hội, bal mờ kuang bàng, cau geh đảng mờ gùt làng bol he bơsram, đòm jat.

Cau mblàng K’Duẩn