VOV4.K’ho- Pơn jat tai broă lơh pơrjum dơ\ 7, ngai òr 24/5, Quốc hội cribơyai tàm hìu pơrjum bè bàr pe tơngume gam geh jơnau đơs krơi is bơh rơndap lơh adat Atbồ priă dia (tam gơl).

{ùi mho, Quốc hội iăt Jơnau yal mờ cribơyai tàm mpồl bè rơndap lơh Adat tam gơl, bơtơl bàr pe bơta bơh Adat rơndap tap sèng Chính phủ mờ Adat rơndap tap sèng gơnoar atbồ ală tiah; Rơndap lơh Adat tam gơl, bơtơl bàr pe bơta bơh Adat Kuang bàng, công chức mờ Adat viên chức.

Rơndap lơh Adat tam gơl, bơtơl bàr pe bơta bơh Adat rơndap tap sèng Chính phủ mờ Adat rơndap tap sèng gơnoar atbồ ală tiah mờ broă lơh tam gơl, bơtơl tơrgùm tàm broă lơh lời wơl dùl êt nă mpồl kuang bàng lơh broă dà lơgar, lơh pràn tam pà kấp, tam pà gơnoar mờ kờp sền wơl gơnoar broă, kơnòl, gơnoar broă bơh ală broă lơh sră nggal dà lơgar dê.

Adat tam gơl, bơtơl bàr pe bơta bơh Adat Kuang bàng, công chức mờ Adat viên chức geh bàr pe bơta pa pal sền gròi là ờ pơn jat tai sồr cau lơh kuang đơng lam bồ, atbồ tàm mpồl lơh broă dà lơgar là công chức; mut lơh broă lơh sră pơr gon cih tu\ tơngai pơr gon gơ wèt mờ viên chức geh sac rơ wah mut lơh broă pa.

Cau mbàng K’ Hạnh