Củ tịc lơgar ồng Lương Cường đơng lam dơ̆ chu ñàng. Dơ̆ chu ñàng geh lơh ki ngàm nàng răc dan ai dà lơgar in ring lơngai, làng bol lơngăp lơngai, dunia lơngai lơngò, tơnggŏ nùs nhơm jơh nùs ki ngàm, gĭt ưn ngài ală cau bơtàu jak, cau kwang bàng dòn song neh geh dà kơlhề bơ̆t bơtàu rài niam chài jŏ rài Thăng Long, pờ tơlik rài jak chài Đại Việt, prăp gàr lời wơl tus rài Hồ Chí Minh pơnrơ ngan…

Củ tịc lơgar bal mờ ală cau ala măt hơ jơh nùs lơh ngan đòm jăt bơhiàn niam chài jŏ rài, khin cha jak chài bơh Thăng Long- Hà Nội dê, mờ ală bơta kwơ dờng màng bơh jơi bơtiàn dê; dòn song, jơh nùs, tơngoh àng, nùs nhơm sàng goh; lòt jăt cơnđoà jơng lòt cau lài dê, tàm pơn jăt nùs nhơm khin cha jak chài Thăng Long; sền gàr mpồl bơtiàn klăc dờng jơh jùt làng bol, bơ̆t bơtàu dà lơgar ngai sơlơ pas pràn, làng bol lơh tờm, ndrờm bal, jak chài; wèt tus rài pa, rài bơtàu tơngguh pas sơm mờ bơtàu tơngguh sùm; làng bol geh rài kis hờm ram, gơboh gơbài.