Mờ jơnau đơs “Chờ hờp kàl prang sền gĭt brê bơnơm dờng ơning ơnàng- rơbô bơta gơ kờñ ngan”, broă lơh gơ hòi gơ jà rơ̆p geh bal ală dơ̆ lòt nhơl mpồl bơtiàn, niam chài, ƀòn brê bơnơm; Rafting was plung sơr lèt ñjrùh dà, Rơndeh guh bơnơm sơr lèt gan njrùh dà. Bơdìh hơ̆, rơ̆p geh ală broă lơh ràng tơlik dròng cing jañ mồng, đơs crih tam ya, tàp pràn să jan, dơ̆ lơh chờ gùng drà mờ Ngai chờ phan sa.

Tàm broă lơh gơ hòi gơ jà lòt nhơl do, ală mpồl lơh sa kă bro rơ̆p tơrmù giă bơh 15 tus 100% vĕ lòt sền, bơh 5% tus 20 % drơng broă sa sào mờ ơm kis ing, pà ală dơ̆ lòt sền gĭt, pà priă mat tàm kờp jơh sră tơm priă ai năc mpồl in, pà drơng broă sa sào halà jun rò tus ƀlàng rơndeh par tŭ năc ngui ală drơng broă tàm mpồl lơh broă dê. Do là broă lơh kwơ màng lơh jat broă lơh gơ hòi gơ jà lòt nhơl “Việt Nam- lòt nàng kờñ gơboh” wèt tus jơnau kờñ gơguh lơh sa bơh càr Dăk Lăk nam 2025 dê lơh geh 8% rlau hơđang.